AMOS 1:9 - Biblía Axweesantá Hhohho' ar Mungú 2004

⁹ AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

AMOS 1:9 Iomraidhean Croise

2 SAMUELI 5:11

Naagáy waawutmo Hiramu oo Tiro, muu guna ya/aáw amór Daudi, xaa'aá mieresi kina huúw, nee múk gadiyér peehháy nee oo maraay tlehhit, as doó waawutmo kuwa tleehhi.

WARA'AMI 83:7

múk Gebali, múk Amoni nee múk Amaleki, múk Filisti nee múk yaamaá Tiro.

YEREMIA 25:22

Waawitá sleémeero oo Tiro nee Sidoniro, nee waawitá sleémeero oo afaá Tlawtá Tla/aangw.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

ESEKIELI 27:1

Axweesantá AAKOÓ MUNGÚ ana axaás, i kat,

ESEKIELI 27:27

Daqaari'iimarók tidá' yaariir ar xoosla nee ar muruú hatlae, mukók kuduú gadiyér baraá ma'aay oo baraá miringamo, mukdaádá' miringe tlehhituwo ga xuú', nee kudá' muruú tlaxuúm, slaqwaruuserók sleémeero, tidá' dirók i dirii' dinkwa nee mukdá' sleémeero, ta hhán baraá tlawtí alé, baalaadá' kiíng tiwa hhaamisi birna hardát.

ESEKIELI 28:1

Axweesantá AAKOÓ MUNGÚ ana axaás, i kat,

ESEKIELI 28:18

As tlakweemaawók kudá' naa tlahhiye', nee halaanu'uumarók tidár /ayta taa tlehhít, dirók tidá' hhoohhoo' kari meetagás. Gawaá adoorihe aníng asla ngi baraawók wa duúx, inós kuúng uri hhaamís. Aníng kuúng uri da/ara tleéhh baraá yaamuwo dír ilaá muu sleémeero kudá' kuúng ga/aawa'a.

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

AMOS 1:6

AAKOÓ MUNGÚ i kaahi, «Aníng múk Gasa u mawaaká muxtaaro asma tlakweema ngiwa tlehhahhitiyé'. Asma inooín xooro ngina sleémeeró wa ar tlayé', nee ngiri weerisiyé' as tawa lawaalér múk Edomu.

OBADIA 1:11

Bál gixsár Yerusalemu kawa haraadarahi, kuungá' ana bihhií sihhité', dahaaye daqaari'iimarós gari ar tleér, nee mukdaáduú tsifir hatlo kaangardaá gixsa kiwa waaraáhh, tsawdo kari tleéhh as Yerusalemu, qoomaadae kiíng an adór heé wák baraá tla/ángw mukdae.

SEKARIA 9:1

Kaangwí an geehhooemaá axweesantá AAKOÓ MUNGÚ daanduú gixsár yaamaá Hadraki, nee awa Damasko, asma gixsaduukaá Aramu awa AAKOÓ MUNGÚ, adór tlahh'aá Israeli sleémeero tar kós.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Matayo 11:22

Ala aníng kuungá' nun baw, bál deelór sakwasleemaro Tiro nee Sidoni a tsiní sakwasleemar'ín kawa ilí oohi, ta kuungane.

Luka 10:13

«Kiíng gixsár Korasini, nee kiíng gixsár Bet-saida, a tsaxwaahúng. Asma muruudá' xuawaslén aa tleehharuut dirhunge, geera dír iwa tleehharuút bar an baraá Tiro nee Sidoni, geera iimirihe naa qaroó hhu'u'uné', nee guniyadu kay tsiít, tay iwiít baraá da/ara.

Luka 10:14

Bál deelór sakwasleemaro a tsiní múk Tiro nee Sidoni, sakwasleemar'ín ngiwa ilií oohiya', ta kuungane.