AMOS 1:8 - Biblía Axweesantá Hhohho' ar Mungú 2004

⁸ Aníng yaamuloouusér gixsár Ashdodi a tlatlahhaás amór saáw i ale, tam kudá' hhartá waawuti'iimár gixsár Ashkeloni ga koóm. Aníng gixsár Ekroni an alwarqáw, múk Filisti sleémeero kudá' aa meet nguri qwaareés. Anuú Aakoó MUNGÚ ti aga oó'.»

AMOS 1:8 Iomraidhean Croise

2 QOM'I 26:6

Waawutmo Usia tari slaáqw nee múk Filisti. Inós koo/ír gixsár Gati, nee Yabne, nee Ashdodi giri feé/. Gixsadaá hatlá' giri tleéhh baraá yaamaá Ashdodi nee baraá yaamudaá hatlá' naa meetiye' awa Filisti.

WARA'AMI 81:14

Geeraawo alók wakuuser'ín aga baál ar gaanslaay, nee geeraawo wakuuser'ín aga daásl ar dakw'eé'.

ISAYA 1:25

Aníng dakw'eé' un gawaahúng i tleés, Aníng /o/oduuwók in hheehhe'eés, nee slasla/aruuwók sleémeero u hingeés.

ISAYA 20:1

Kurkudá' waawutmo Sargoni oo Ashuru geeraharusmoó úr oo slaqwaruuseerós nguwa ya/aáw, tari slaáqw nee gixsár Ashdodi, gari hayóh,

YEREMIA 47:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú múk Filistiwo, dír Farao gixsár Gasa ngiwa i haraatlayká.

ESEKIELI 25:16

gawaá adoorihe anuú Aakoó MUNGÚ dakw'eé' un tleés gawaá múk Filisti, aníng múk Kereti nee kuduú afaá tlawto un hhaamiís.

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

AMOS 1:7

Gawaá adoorihe asla a qaás gawaá koo/ír gixsár Gasa, maraywós kudá' gawden giri fák.

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

OBADIA 1:18

Múk doó Yakobo iri adór asla tleehhiit, nee múk doó Yosefu iri adór tsángw asla tleehhiit, múk doó Esau iri hhaanslaá kaaharen tleehhiit, inooín asla giri hhaamís, slám hee tumu wák iri meetiiká baraá doó Esauwo. Adoorí an adór AAKOÓ MUNGÚ i kaahi.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

SEKARIA 9:5

Múk gixsár Ashkeloni kaangwí burkwa ár, tari da'ayuut, nee múk gixsár Gasa sleeme iri amoqwaqwadín slahh'amuuwo, tam gixsár Ekroni sleeme harahhifoorós i qwát, waawutmoó Gasa i hhán, nee gixsár Ashkeloni heé gawa hoót iri qwaar.

SEKARIA 9:6

Nee slohhaana gixsár Ashdodi gari hót. Nee aníng sagagawdú múk Filisti u amór saáw i kwaáhh.

1 SAMUELI 6:17

Um'iidaá sahaábu kudá' múk Filisti aa haniís dír AAKOÓ MUNGÚ, as dakuús hingeesa, slaqsoo wák as Ashdodi, oo wak as Gasa, oo wák as Ashkeloni, oo hatlá' as Gati, nee kooko as Ekroni.