AMOS 1:6 - Biblía Axweesantá Hhohho' ar Mungú 2004

⁶ AAKOÓ MUNGÚ i kaahi, «Aníng múk Gasa u mawaaká muxtaaro asma tlakweema ngiwa tlehhahhitiyé'. Asma inooín xooro ngina sleémeeró wa ar tlayé', nee ngiri weerisiyé' as tawa lawaalér múk Edomu.

AMOS 1:6 Iomraidhean Croise

2 QOM'I 28:18

Qoomaarihe sleeme múk Filisti gixsár Shefela nee ar Negebu awa Yuda kina i haratláy. Gixsár Bet-shemeshi, nee Ayaloni, nee Gederoti, nee Soko nee ayeemaá inslaawaydae ngiri hayoohiyé', nee Timna nee ayeemoowose, nee Gimso nee ayeemoowose, gixsaduuká' ngiri kooín tleehhiyé'.

YEREMIA 47:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú múk Filistiwo, dír Farao gixsár Gasa ngiwa i haraatlayká.

ESEKIELI 35:5

«Kiíng ana wakuso'ór daqisleém tleehhít dír múk Israeliro, nee múk yaariír una tsú/ ar paánga qoomár tawa baraá slahh'amuuínií dirii'i, nee iwa baraá sakwasleemar'ín ar alhhe'eesáy dirii'iya'.

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

Yoeli 3:6

Slamí múk Yuda nee oo Yerusalemu una weerisé' dír múk Yunani as kiwa loohatisa' amór saáw i alé dír yaamuine.

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

AMOS 1:3

Tí an tidá' AAKOÓ MUNGÚ i kaahi, «Aníng múk Damasko u mawaaká muxtaaro asma tlakweema ngiwa tlehhaahhitiyé'. Asma inooín múk Gileadi nguna muxaaxiné' ar difiitamaá muqsla.

AMOS 1:7

Gawaá adoorihe asla a qaás gawaá koo/ír gixsár Gasa, maraywós kudá' gawden giri fák.

AMOS 1:9

AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

OBADIA 1:11

Bál gixsár Yerusalemu kawa haraadarahi, kuungá' ana bihhií sihhité', dahaaye daqaari'iimarós gari ar tleér, nee mukdaáduú tsifir hatlo kaangardaá gixsa kiwa waaraáhh, tsawdo kari tleéhh as Yerusalemu, qoomaadae kiíng an adór heé wák baraá tla/ángw mukdae.

SEKARIA 9:5

Múk gixsár Ashkeloni kaangwí burkwa ár, tari da'ayuut, nee múk gixsár Gasa sleeme iri amoqwaqwadín slahh'amuuwo, tam gixsár Ekroni sleeme harahhifoorós i qwát, waawutmoó Gasa i hhán, nee gixsár Ashkeloni heé gawa hoót iri qwaar.

Tlehhema'aá ya/Abuuse 8:26

Malaykamoó Aako iri axweés dír Filipo, iri oó', «Sihhiít tláw bihhaá basa, ay amór loohidá' naa Yerusalémúr wa tleer ay Gasa.» Loohidá' a loohír xaanxaay.

1 SAMUELI 6:17

Um'iidaá sahaábu kudá' múk Filisti aa haniís dír AAKOÓ MUNGÚ, as dakuús hingeesa, slaqsoo wák as Ashdodi, oo wak as Gasa, oo wák as Ashkeloni, oo hatlá' as Gati, nee kooko as Ekroni.