AMOS 1:4 - Biblía Axweesantá Hhohho' ar Mungú 2004

⁴ Gawaá adoorihe aníng asla a qaás baraá doó waawutmo Hasaeli, nee asla koo/ír gawít ar Ben-hadadi gari /ák.

AMOS 1:4 Iomraidhean Croise

1 WAAWITÁ 19:15

AAKOÓ MUNGÚ guri báy, «Kií/ ar loohirók tidár xaanxoó Damasko. Bara hardát Hasaeli di/i tir iimbalax as tawa waawutmoó Aramu.

2 WAAWITÁ 13:25

Waawutmo Yehoashi garmoó Yehoahasi, Ben-hadadi garmoó Hasaeli slaqwaraaro guna baál sagaáwa tám. Inós gixsadu sleémeero giri tuú/ kudá' taa hayóh qoomár baabuúwós Yehoashi tawa waawutmo.

2 WAAWITÁ 13:3

AAKOÓ MUNGÚ iri ló'wa buúhh, múk Israeli guri ya/án kuwa baliiti baraá slaqwaraaro nee múk waawutmo Hasaeli oo Aramu nee garmaawós Ben-hadadi.

2 WAAWITÁ 6:24

Aluuwo waawutmo Ben-hadadi oo Aramu slaqwaruseerós sleémeero gari burumbuúr iri tláy gixsár Samaria gari harweér.

2 QOM'I 16:2

Naagáy waawutmo Asa oo Yuda peésa nee sahaábuwo, tidár baraá Doó AAKOÓ MUNGÚ nee baraá do'ose gina leéhh, as ngiwa ya/aawi Damasko dír Ben-hadadi, waawutmoó múk Shamu, nee kuwa bay,

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 49:27

Aníng asla a oohiís, koo/ír Damasko gari /ák, ku/ér gawden awa waawutmo Ben-hadadi gari /ák.»

ESEKIELI 30:8

Aníng yaamaá Misri bira ásltí qaás nee ayeemoodá' sleémeero ngi alee/iimisá' bira qwaareés. Daqaní ngi tsaahhiyá' adór aníng tar AAKOÓ MUNGÚ.

ESEKIELI 39:6

Aníng asla a huúw baraá yaamaá Magogu nee kudá' sleémeero hootá' ar wayda dír yaamaá afkú tlawto. Inooín ngiri tsaahhiyá' adór aníng tar AAKOÓ MUNGÚ.›

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

AMOS 1:10

Gawaá adoorihe aníng asla a qaás gawaá koo/ír gixsár Tiro, nee asla koo/irós tidá' gawit gari /ák.»

AMOS 1:12

Ala aníng gil'o a ku'uús gawaá gixsár Temani, asla maraá gawdén awa Bosra giri /ák.»

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

AMOS 1:7

Gawaá adoorihe asla a qaás gawaá koo/ír gixsár Gasa, maraywós kudá' gawden giri fák.

AMOS 2:2

Gawaá adoorihe múk Moabu aníng u faák ar asla, nee koo/ír gawit ar Kerioti asla gari fák. Múk Moabu barta uú' nee tarumbeéta ngari ufaahhiyé' ni baraá tsimaahhidií qatliyá'.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

HAR'OHUUSE 9:57

Mungú mukdá' tlákw oo Shekemu guna slahh'eemiís sleeme as slasla/aruú naa tleehhiyé'. Gawaá adoorihe lo'ór Yotam garmoó Gideoni giri /ák.