AMOS 1:14 - Biblía Axweesantá Hhohho' ar Mungú 2004

¹⁴ Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

AMOS 1:14 Iomraidhean Croise

2 SAMUELI 11:1

Umuúqo iimu/úngw kurkú /abene an qoomár waawitá iwa baraá slaqwaraárí tlaatlay. Daudi Yoabu guna ya/aáw nee geeraharuusero dinkwa nee múk Israeli sleémeero tawa slaqwarár ay. Inooín múk Amoni kuri baál, kuri barti'íni óh, nee gixsár Raba kari harweér. Ala Daudi iri meét Yerusalemu.

2 SAMUELI 12:26

Qoomaadae, Yoabu gixsár Raba ar múk Amoni gana i haratláy slaqwaraaro. Inós gixsadár waawuti'iima gari hayóh.

2 SAMUELI 12:31

Aluuwo múk gixsadá' guri ar tláy, giri qaás baraá gadiyeé. Xooslaá tar gadiyuusi a kuká': Masmeenadu nee sururuú muqsla, nee tsabuuwo, nee gadiyér matofaáli da/a/aangw kawa tleehhi. Adoorí an adór aa tlehhiít baraá gixsadu sleémeero awa múk Amoniwo. Alhhe'eesaywo Daudi nee muu sleémeero tari kií/ Yerusalemu.

1 QOM'I 20:1

Qoomár kurkú /abén bir iimu/uu/ún, waawitá in slaqwarár aa'áy. Qoomaarihe Yoabu múk slaqwara guna geerahaár as yaamaá múk Amoni ngiwa hayohiya', nee gixsár Raba gari harweér. Ala waawutmo Daudi ina meét baraá Yerusalemu. Yoabu gixsár Raba gari i haratláy gari hhitín.

YOBU 39:25

Qoomár afór tarumbeéta birnga axás, inós in amoodií áhh, slaqwara gan amór sáwií tsá', Afór geeraharuusér slaqwara gan axamís qoomár bir tseeaminá' as iwa hara'ayár oina'.

WARA'AMI 83:15

Kuúng guuseek ar tlaftá tlaakw, nee dae tsateek ar bambaaór ur.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

YEREMIA 49:2

Gawaá adoorihe, AAKOÓ MUNGÚ i kaahi, «Ga/aawaak, deelo ni hardát ar aníng slaqwara ngiwa tlees, /aa/e kiri axaas baraá Rabár Amoniro, inós tari ufuú xwaansláy, nee ayeemaá iisaapaywós kiri daa/ ar asla, aluuwo mukdá' múk Israeli gwaa aal, kuri aal nee múk Israeli.

ESEKIELI 21:20

Lohduudá' paánga ir waarahh laqameek, ar wák tidá' hardáh dír gixsár Raba tidár múk Amoni, nee ar hatlá' laqameek ar amór gixsadár Yerusalemúr kaw, tidár yaamaá Yuda tidár koo/i gawit.

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

ESEKIELI 21:25

«Kuúng waawutmoó Israeli, kuúng a heé aa ló'wa hhitiruut. Baalaarók naa hardát, eeít, baalár muxtaarók ar alhhe'eesáy.

ESEKIELI 25:5

Gixsár Raba a qawtaantá angaamía tleéhh, nee yaamaá Amoni i slumtá bee/aangw tleéhh. Daqaní kuungá' kari tsahhá' adór aníng tar AAKOÓ MUNGÚ.

ESEKIELI 25:7

gawaá adoorihe aníng dakw'eé' ugwa gawaahúng i tleés. Naa haniís tunduwa ar tlay nee xoordaá hatlá'. Aníng kuungá' nu hhaamiís baraá xoorduuwo, nuri suqúw baraá yaamuwo. Daqaní kuungá' kari tsahhá' adór aníng tar AAKOÓ MUNGÚ.»

DANIELI 11:40

«Qoomár alhhe'eesaay birna xeér waawutmoó basa i haratláy amór waawutmoó /iya, ala waawutmoó /iya iri fi'iit ar /uuru adór bambaao ar gaardaá faras, nee mukdá' faras gwa i tsa/an, nee miriingér yaariir. Yaamaá yaariir giri haradah iri waaraahh adór alwuór ma'aay.

AMOS 2:2

Gawaá adoorihe múk Moabu aníng u faák ar asla, nee koo/ír gawit ar Kerioti asla gari fák. Múk Moabu barta uú' nee tarumbeéta ngari ufaahhiyé' ni baraá tsimaahhidií qatliyá'.

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

DABE 3:11

«Waawutmo Ogu an heé alhhe'eesáy oo múk Refai. Sandakmoowós kuna tleéhh ar muqsli, tlenaangós a miíta tsiyáhh, nee bihheero a tsaxwaá miíta tsár, qoomoó alhotaariro. Sandakmoodá' tam ay hamí i deer baraá gixsár Raba ar múk Amoni.