AMOS 1:1 - Biblía Axweesantá Hhohho' ar Mungú 2004

¹ Kaangwí an axweesantá Amos, de'eemusmoó gixsár Tekoár daáhh. Geehhoeemaá aa ár daanduú xoorór Israeliwo kureeraá tsár geeraá kurkú kunseeliro, de'emaá Usia tawa waawutmoó Yuda, nee Yeroboamu, garmoó Yoashi tawa waawutmoó Israeli.

AMOS 1:1 Iomraidhean Croise

2 SAMUELI 14:2

Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

1 WAAWITÁ 19:19

Eliya iri tláy didae, Elisha garmoó Shafati guna baraá dooslárí áy. Didaádae daqooroó awe mibaá nee tsár ar doosla i deer, nee awér Elisha ir doosli i alaá saawá' i dirí'. Naagáy, qoomár Eliya iwa waaraahhi hiyaywós guri duúx, guri kwaáhh gawaá Elisha.

2 WAAWITÁ 14:21

Aluuwo muu sleémeero oo Yuda Asariya ngway leehhiyé', qoomaadae inós kureeriiwós a mibaá nee lahhoó', nguri waawutmooín wa qaasiyé' kitángw Amasia baabuúwós wa alé.

2 WAAWITÁ 14:23

Kurkú mibaá nee kooán oo waawut'iimár Amasia garmoó Yoashi waawutmoó Yuda Yeroboamu garmoó Yoashi waawutmoó Israeli waawuti'iima gana iimu/ún baraá yaamaá Samaria. Inós baraá waawuti'iimaro kureeri ngaa /aáy a mibeeri tsiyáhh nee wak baraá gixsár Samariaro.

2 QOM'I 11:6

Gixsadaá aa tleéhh a kuká': Betilehemu, nee Etamu, nee Tekoa,

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

YEREMIA 1:1

Kaangwí an axweesantá Yeremia garmoó Hilkia, heé wák baraá tla/ángw kaahamuusér Munguhe, oo baraá gixsár Anatoti daáhh ar baraá yaamaá Benyamini.

YEREMIA 28:8

Aaruuseedá' dír aníng nee kuunge aa giiriin iimír aange, inooín tana aariirín tawa kaahi, ‹Slaqwara, nee giyeede nee tiqtír pu/ito ni ti'iitiyá' baraá yaamaá daanduú yaariire nee waawuti'iimár /uuruú kooma.›

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

YEREMIA 7:27

Naagáy kuúng Yeremia, axweesantí sleémeero an mak dir'ín i ó', ala inooín kuúng u axaasiaaká, in atét ala i ooina'aaká.

HOSEA 1:1

Kaangwí an axweesantá AAKOÓ MUNGÚ ar Hosea aa axaás, garmoó Be'eri, de'emaá waawituú yaamaá Yuda tawa Usia, nee Yotam, nee Ahasi nee Hesekia, nee waawutmoó yaamaá Israeli tawa Yeroboamu garmoó Yoashi.

AMOS 7:14

Amos Amasia guri báy, «Kuúng ka xu' aníng a aarusmoodá' aaraariíma as bu'utu nguwa slay. Aníng a eeharusmoó aarusmowooká sleeme, ala aníng an de'eemusmo, nee heé /aantsír amohhe'eemamiís.

MIKA 1:1

Kaangwí an axweesantá AAKOÓ MUNGÚ, tidá' Mika aa axaás, heé gixsár Moresheti, de'emaá waawituú yaamaá Yuda tawa Yotam nee Ahasi nee Hesekia. Inós axweesantí gana axaás ar loohír iigu'utuú aa araa'ár daanduú gixsár Samaria nee ar Yerusalemuro.

SEKARIA 14:5

Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.

Matayo 4:18

Qoomár Yesu iwa afaá tlawtá Galilayár wa hi'iimiti, hha'aá tsár gina ár. Kooko a Simon, kudá' ta babay Petro, nee hhiyaawós Andrea, ta baratsufoó kwakwaahh baraá tlawi, asma tawa inooín a múk siyoó ohahiím.

1 Korinto 1:27

Ala Mungú muruudá' taa dakti'iimár i harafaár nee muu, guna tsawaár, as múk sageloén nguwa mureekeesi. Nee slám muruudá' taa liitlakwér i harafaár nee muu, Mungú guna tsawaár, as kudá' /uuruú koóm nguwa mureekeesi.