3 Yohana 1:6 - Biblía Axweesantá Hhohho' ar Mungú 2004

⁶ Inooín hhooeemaawók kina alki/iít dír múk kríshaanáy. Xa, inooín alee/iiseek, ar adór Mungú gu sla'atimis, as iwa kumiitiya' baraá aaii'ine. Daqaní adór hhoo' aga tléhh.

Ya/abtór hho' 1977

⁶ Inooín hhooeemaawók kina alki/iít dír múk Kríshaanáy. Xa, inooín alee/iiseek, adór hariím dír geerá Munguhe, as iwa kumiitiya' baraá aaii'ine. Daqaní adór hhoo' aga tléhh.

3 Yohana 1:6 Iomraidhean Croise

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

YONA 4:4

AAKOÓ MUNGÚ Yona guri báy, «Xáy, gár tas buhhaabuhh? Xáy, i ganá'a kuúng tawa buhhaabuhh?»

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

Tlehhema'aá ya/Abuuse 15:3

Mukwí kuri haydohiís nee múk kríshaanáy. Tari waaraáhh ar tla/ángw yaamaá Foinike nee Samaria, kángw múk xoordaá hatlá' adór ira hhu'u'ún kuri alki/iít, hhae sleémeero niri ló'wa qwalaa/iyé'.

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Rumi 15:24

Gawaá adoorihe hamí aníng ni dirhúng ar waaraáhh, qoomár án bar yaamaá Spaniár káw. Asma aníng gár ni slaa' a kuungá' nun ár baraá aaiieene, as aníng niwa qwalalaa/ dinkwa nee kuungá' har qoomár niinawe. Nee slám a haraxuú' kuungá' aníng i alee/isá' niwa kumiit baraá aaiieene.

2 korinto 1:16

Ana slaá' niwa dirhúng ar waaraahh qoomár bar Makedoniár káw, nee niwa malé dirhúng ar oh binda Makedoniár wa kií/, nee as kuungá' aníng iwa alee/isa' niwa kumiit baraá aaiieene ay yaamaá Yudea.

Filipi 4:14

Ala kuungá' adór hhoo' aga tlehhé' ar aníng iwa alee/isé' baraá slahh'amaayer'eé' tihe.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

1 Tesalonike 2:12

Nuna gurkwa/amisaán nee nuri naanaaqaán, nuri harhhehhe'eemisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

Tito 3:13

Sena, kudá' hara'aya gaa soomuus, nee Apolo alee/iiseek ar ilakaaharu baraá aaii'ine, matawa gaa /aarúy.

1 Petro 2:20

Ala heé qiqtliím baraá slahh'amaayeedá' inós wa hariima as tlakweemaadá' aa tleéhh, inós gár kus xirfayeemisi a milá? Ala kuungá' adór ganaa' bar ana tlehhé', slahh'amu kuri qiqtliindá', daqaní tundu tsuuq nee Mungú.

3 Yohana 1:12

Demetrio ku lamabu'úngw hhó' i kah nee muu sleémeero. Tam looeemaá kilá' sleeme ngu lamabu'uná'. Ala atén sleeme un lamabu'uumaán, nee kuúng a xú' adór gár atén ta kaahaan tar ló'.