3 Yohana 1:4 - Biblía Axweesantá Hhohho' ar Mungú 2004

⁴ Qwal/uú úr oo kwí gu baá/ i kaahh, kwí naa axaás tawa kaahi, «Na/iieé' i baraá looeemaá wa hootiyá'.»

Ya/abtór hho' 1977

⁴ Qwal/amaayér ur ar tí ga baa/ i káhh, tí naa axaás ar gídaabá na/'iieé' i baraá looeema.

3 Yohana 1:4 Iomraidhean Croise

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

1 WAAWITÁ 3:6

Solomon iri oó', «Kuúng sla'aarirók ar warqawaaká ana tléhh dír sagadiyusmoowók Daudi, baabuúeé', asma inós ina hoót dirók wa ale ar inkihhimu nee ar hotaá ganaa'á' nee ar daanqamis, kuúng una hootís ar sla'aarirók ar warqawaaká, hám daxta garmaawós kuri iwiitís gawaá kitaangós kuduú waawuti'iima.

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

AXWEESANOÓ SAGALOOA 23:24

Baabuú na/aywós hota ganaá' ku qwala/ úr, nee kudá' garmoó sagaloó' gwa xwayluy i qwalalaa/ as na/aydá'.

ISAYA 38:3

iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

2 korinto 6:13

Án daxta a axweés nee kuungá' adór baabá nee na/iiwós, kuungá' munerhúng gweeraak direne sleeme, adoodár atén toorén ngira dirhúngií gweeraán.

Galatia 2:14

Aníng adór tlehhmi'ii'ín nee looeemaá Ya/abtór hho' tir slaslay'aaká ngiwa tsaáhh, Petro nguri iigahhaát dír geeraá muu sleémeeró wa ale, nguri báw, «Kuúng a heé Yahudi, kuúng an hót tawa adór heé xoordaá hatlá', a adór heé Yahudirooká. Ala kuúng adór múk xoordu kur harakeemis a adoomá, ar tawa hooti adór múk Yahudír aleeró.»

Galatia 4:19

Laqwalor'eé', aníng a ló'wa slahhahhaá' as kuungá' nuwa malé laqwaal, ay dír Kristo i geehhoouy baraahúng wa ale.

1 Tesalonike 2:11

Kuungá' a xuá' adór atén umuúqo heewo dirhunge ngura amohhe'eemaamiisaán, adoodár baabá na/iiwós ngir amohhe'eemaamisi.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

2 Timoteo 1:2

Barwaárí ngina gooiím amoorók Timoteo, garmaaeé' oo sla'aarusmo. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

Filemoni 1:10

Aníng kuúng u firiím as na/ay'eé' Onesimo. Inós aníng una laqwaál ar baraá Yesu baraá tsegmoó wa ale.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.

2 Yohana 1:4

Ana qwalaá/ ló'wa ale asma na/iiwók bahh'ale i baraá looeemaá i dirii'iyá', adoodá' Baabá tira hara'ayín.