3 Yohana 1:10 - Biblía Axweesantá Hhohho' ar Mungú 2004

¹⁰ Aníng bir na hardáh, kangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk kríshaanayhe.

Ya/abtór hho' 1977

¹⁰ Aníng bir na hardáh, kaangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk Kríshaanayhe.

3 Yohana 1:10 Iomraidhean Croise

AXWEESANOÓ SAGALOOA 10:10

Heé kutliím ar ilaawós slahh'amu ngu huuw; Ala daktantá axweesani yaariir i hhitirút.

AXWEESANOÓ SAGALOOA 10:8

Heé sagaloó' baraawose hara'aya ga axamiis, ala daktantá axweesani yaariir i hhitirút.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

2 korinto 13:2

Án kuungá' nuna gurbuú' qoomár niwa amorhúng i dirii' sagaáwa tsare. Nee slám hamí án kuungá' nun malé gurbuú' dír án nira amorhúngií hardihiiká. Aníng mukdá' tlakweema gaa tleehh qoomaadae, nee múk hatlá' sleeme, un gurbuú' asma aníng binda malé hardáh, án kuungá' nu gurtlawaaká.

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.

2 Yohana 1:12

Muruú yaariír oo ni ooár wa slaa' i deer, ala nguwa baraá barwár i gooiim ar wiíno u sla'aaká. Gár ni slaa' a nin amorhúng i hardáh, nuri i axweés ar afa, asma qwal/uurén iwa boo/i.

3 Yohana 1:3

Aníng ana ló'wa qwalaá/, asma hhaeekaari niwa hardihiyé', kangók nguri lamabu'uné' dirén adór kuúng looeema kira ót, nee adoodá' kuúng tar hot baraá looeemá wa ale.

3 Yohana 1:5

Sla'aarusmooeé', kuúng tu inkihhím baraá umuú gadiyér taa tlehhi as hhae, tam as hhaeedá' dahaayeero sleeme.