2 Yohana 1:5 - Biblía Axweesantá Hhohho' ar Mungú 2004

⁵ Aáyo, daxta i firiím, a kaahaaká in hara'ayár /abén i oó', ala aqo tidá' ta qaroó koomaan iimír iimu/úngw wa ale, tidá' kah, ti sla'asla'aané'.

Ya/abtór hho' 1977

⁵ Aáyo, daxta i firiím, a gídaabaheeká in hara'ayár /abén i haniís, aqo tidá' ta qaroó koomaan iimír iimu/úngw wa ale, tidá' kah gídaabá ti sla'asla'ané'.

2 Yohana 1:5 Iomraidhean Croise

Yohana 15:12

Hara'ayar'eé' a tí, ‹Ti sla'aaslae' adoodá' án kuungá' nura slaá'.›

Yohana 15:17

Tí ngin dirhúng i hara'ayiyiím, ‹Ti sla'aaslae'.› »

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

1 Tesalonike 4:9

Ala gawaá daanduú hhae kiwa sla'aasla'a'a, aníng kuungá' gar nus kaángwií gooiim i káhh. Asma kuungá' kilá' tunduna intsaahhatimís nee Mungú tiwa sla'aasla'a'.

Ebrania 13:1

Kuungá' kumiité' tiwa sla'asla'a' adór hha'aá baraá Kristó wa ale.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

2 Petro 1:7

nee baraá ilaiwa/amerhunge sla'aarír hhae doogaak, nee baraá sla'aarír hhaeewo sla'aarír muu sleémeero doogaak.

1 Yohana 3:11

Asma kaangwí ugwa qaroó axasé' iimír iiumu/uungo, tawa kaahi, «Atén ti kilootén sla'asla'aané'.»

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

2 Yohana 1:1

Anínguú aako barwaárí ngina amoorók i gooiím, kiíng, aáyo, kiídá' taa tsawaár, nee amór na/iiwók, kudá' naa slaá' ar baraá looeema. Heé nu slaá' a aníng kilooeeneeká, tam awa hatlá' sleémeero kudá' looeema ngi xuá' sleeme nu slaiyá'.