2 Yohana 1:10 - Biblía Axweesantá Hhohho' ar Mungú 2004

¹⁰ Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.

Ya/abtór hho' 1977

¹⁰ Hee birna amorhúng káy, inós bar intsaahhastí ngi amorhúng i huwahuwiiká, mu dahi'isaara', nee mu taaqweesara' sleeme.

2 Yohana 1:10 Iomraidhean Croise

IIMU/UUNGW 24:12

Inós iri firín, «AAKOÓ MUNGÚ, Munguú aakooeé' Abrahamu, án kuúng u firiím laarí, alee/iisáng, nee aakooeé' Abrahamu hhooeemií tleehheek.

1 WAAWITÁ 13:16

Ala heedaádá' iri oó', «Aasla'áy, ti alkoomanaaká amór do'ók í ale, laqaá sleeme a dahaaká baraá do'ók í ale. Muruú /aymár do'ók u /ayaaká, laqaá ma'aá yaamuuká' i wahaaká sleeme,

WARA'AMI 129:8

Heé bihhaadár waaraáhh i kaahh oo gi báw, «AAKOÓ MUNGÚ nu tsuuqi! Tundu tsuuqi ar umuú AAKOÓ MUNGÚ.»

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

2 Tesalonike 3:14

Heé axweesanoó baraá barwaárí gwa sii', heé adoorí ga/aawaak, ma aldinku'uusara' nee inós as dakuúsarós ngiwa tsaahhi.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

Tito 3:10

Heé partlitór huwahuúw bir deer, naanaaqeek har geeraawo, tam sagaáwa tsár sleeme. Ala bira sií', sieek.

2 Yohana 1:11

Asma heé gu taaqweemiís, in dinku'uumiis baraá tlehhemi'iiwós kudá' tlakw i tlehhiiti.

3 Yohana 1:10

Aníng bir na hardáh, kangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk kríshaanayhe.