2 WAAWITÁ 8:4 - Biblía Axweesantá Hhohho' ar Mungú 2004

⁴ /Ameenidá' iwa hardát, waawutmo nee Gehasi i axweesiyá'. Waawutmo i Gehasi yaahamiis gu babay, «Axáy waa/oo/amoodá' Elisha aa tlehhaahhiít kaahang.»

2 WAAWITÁ 8:4 Iomraidhean Croise

2 WAAWITÁ 2:14

Tlawuuduú Eliya aa gawaawós huu' guri óh, ma'aay giri slaáhh iwa kaahi, «AAKOÓ MUNGÚ, Munguú Eliya i amá?» Qoomár ma'aay ngiwa slaáhh, ma'aay nay qasiitiyé' bihhe tsár, inós iri waaraáhh ay gayuú hatlá'.

2 WAAWITÁ 2:24

Elisha giri xuuxuú', giri lu'ús ar umuú AAKOÓ MUNGÚ, makaá tsár awa /ameena awa ta bay duúbu, niri ti'iitiyé' baraá sla/atá wa ale, daaqayduú mibeeri tsiyáhh nee tsár kuri karslamiís.

2 WAAWITÁ 4:12

Elisha sagadiyusmoowós kudá' ta bay Gehasi guri báy, «/Ameenisíng ar Shunemu ateetang.» Inós ngiwa ateét niri hardát, iri sihhít dír geeraawós.

2 WAAWITÁ 4:25

Naagáy iri tleér ay amór tloomár Karmeli, amoodá' heé Mungú i dirii'i. Heedaáduú Mungú ngiwa ár iwa hi'it, sagadiyusmoowós Gehasi guri báy, «Qaytsiít, /ameenidár Shunemu aga ár i hi'ít,

2 WAAWITÁ 5:14

Naagáy Na'amani iri tláy ay baraá yaaér Yordani, iri /eét sagaá wa faanqw ar adoodá' Elisha heé Mungú ngira oó'. Inós iri ló'wa huunguú/. Kaahartá slaqwtós iri hhoohhouúr adór tiqár na/oó niiná.

2 WAAWITÁ 6:32

Naagáy waawutmo hee guri ya/aáw oo Elisha ateeta. Qoomaadár kilae Elisha i dó' i dirii' nee bariiserka aa do'ós keer. Dír heedaádá' ta ya/aáw ira hardihiiká Elisha bariiseedá' gana báy, «A ga/eerá'a, tsu/utusmo kungwa ya/aáw as istaeé' ngiwa tsati, qoomár birnda hardáh afkú do' ku tsegá', mindiwa baloó dáh baraá do'. Slám aakoowós i aluuwós wa hi'iit.»

2 WAAWITÁ 6:6

Elisha guri yaahaás, «Dír i /ét a diimá?» Heedaádá' didá' tsawo i /ét gari laqán, Elisha xwaytsi gari tsaát gari kwaáhh baraá ma'aay didá' tsawo i /ét, tsawo niri ti'ít gawaá daanduú ma'aay.

2 WAAWITÁ 7:1

Elisha iri oó', «Axweesantá AAKOÓ MUNGÚ iiárií qaaseek, matlo qoomár adór tí baraaká gixsár Samariaro kílo tám ar puuruú hhohhó' oo angaáno ka weeriis ar shekeélír wák nee kílo lahhoó' ar shayiíri ka weeriis ar shekeélír wák.»

2 WAAWITÁ 7:10

Gawaá adoorihe, nari dír xafayduú múk Aramu wa tlayé', nee mukdá' afér gixsár xuúm kuri ateét, kuri báy, «Atén ana amór xafoó múk Aramu kawaán, nee heé ta araán laqaá oo ta axasaán wa/amedae i kaahh. Faras nee daqwaayero i tseegamorí kahhiyá', nee heemaduuín kaa adoodár kilá' i geexáy.»

2 WAAWITÁ 7:3

Muko tsiyáhh oo tiqtír tsatimituú koóm i deer didár afkú gixsár Samariaro, inooín tina kilooín yaahamisiyé', «Ahaá an diirí wá iwiwiitaána ay dír qwari tay tsu/i?

2 WAAWITÁ 8:3

Alaá kureeri faanqw niwa waaraahhiyé', /ameenidá' niri yaamaá Filistír wa kí/ ay yaamaá múk Israeli, iri hardát dír waawutmo, guri firiín as yaamuuwós kudá' aa geexeér nee do'ose kiwa ki/isi.

Matayo 2:8

Giri ya/aáw ay Betilehemu, giri báy, «Tlawsé', kángw na/aay yaahasa hhe'eesaak. Nee bura aandé', kangwsíng ngu amor'eé' hubá', as aníng sleeme nguwa sluufmisuú aw.»

Luka 23:8

Qoomár Herode Yesu nguwa ár, iri ló'wa qwalaá/, asma guna artá wa slaá' iimír deelór yaariire, asma kángw yaariír gwa axamaamiís daanduú Yesuwo. Nee tlehhmuú waa/oo/amo oo Yesu i tleehhi guna haraxuú'.

Luka 9:9

Herode iri oó', «Yohane una saga tsaát, daxta heewí kangós án ni axamiis a heemá? Guri artá wa slaá'.»

Yohana 9:27

Iri oó', «Aníng kuungá' naa qaroó ádbáw. Ahaá, kuungá' mas axmamisa'aaká? Mas malé axaasár wa sla'á'. Kuungá' sleeme a sla'á'a tawa eeharuuseerós tleehhita'?»

Tlehhema'aá ya/Abuuse 24:24

Deelór hhaawaaká iwa waaráhh, Felisi nee hareerós Drusila tidár Yahudito'o nina hardihiyé'. Paulo kuri ateét. Kángw haratlintaaór baraá Yesu Kristo kuri dír Paulo wa iiárií qamín.