2 WAAWITÁ 8:1 - Biblía Axweesantá Hhohho' ar Mungú 2004

¹ Elisha aáng /ameenidár Shunemúr hoot, tidá' na/aywós aa waaslee/atís, gana báy, «Tláw kiíng nee múk do'oge, lóh baraá yaamaá hatlá' awa kiíng tawa dahaayo'o, asma AAKOÓ MUNGÚ giyér kureeraá faanqw ngi tlees baraá yaamuukae.»

2 WAAWITÁ 8:1 Iomraidhean Croise

IIMU/UUNGW 12:10

Ala giyeér ur nina tleér baraá yaamaá Kana'aniro. Abramu iri tláy iwa ala hotaá ay yaamaá Misri, asma giyeédá' ka ló'wa ur.

IIMU/UUNGW 26:1

Giyér hatlá' nina tleér baraá yaamuwo adór tidár qoomár slafíngw Abrahamu. Isaka iri tláy ay Gerari amór waawutmo Abimeleki oo múk Filisti.

IIMU/UUNGW 41:25

Yosefu Farao guri báy, «Tlataawók tsaraawo gár i kaahiya' a wak. Mungú gár i tleehhi deeloorí tseewe, ngaa kuúngí laqán.

IIMU/UUNGW 41:32

Gár tlataawók tas sagaáwa tsár, a /aymuuwí Mungú nguna geehhoeés, nee Mungú gu boo/ees ar gaanslaay.

IIMU/UUNGW 41:54

Kureeraá faanqw awa qwari niri hardihiyé', ar adoodá' Yosefu ngira geerií oó'. Giyeé niri tleér baraá yaamu sleémeero, ala baraá yaamaá Misriro muruú /ayma i deer.

IIMU/UUNGW 47:4

Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

2 SAMUELI 24:13

Gadi iri daqáy amór Daudi, kaangwí guri ooár áy, guri báy, «Xáy, gár ta sla' a giyér kureeraá faanqw nin tleéra baraá yaamuuwoge? Laqaá kuúng wakuuseerók an ilagwaagóp slahheeraá tame, iwa kuúng slakaatiya'? Laqaá baraá yaamuuwoge tiqtír tlakw nin ti'ít ar pu/i deelo tám? Kaangwí alqaytsiteek, daqaní ngu mu/aywáts kángw ni ooár aw amór kudá' aníng iga ya/aaw.»

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 18:2

Naagáy Eliya iri tláy, tiri geehhooeés dír waawutmo Ahabu. Qoomaarihe giyeé aa ló'wa tsimaamíhh baraá yaamaá Samariaro.

2 WAAWITÁ 4:18

Na/aydá' iwa uráy, looarka wake tana fiiqituú áy nee baabuúwós nee múk hatlá'.

2 WAAWITÁ 4:36

Elisha Gehasi guri ateét, guri báy, «/Ameenidár Shunemu ateetang.» Inós gari ateét. Niwa hardát Elisha gari báy, «Garmaawók ooheek.»

2 WAAWITÁ 4:38

Elisha iri kií/ Gilgali qoomár giyeé niwa tleér baraá yaamuwo. Looarka wake Elisha nee eeharuusér aaruuse tawa iwiiwiti sagadiyusmoowós guri báy, «Hutloó úr qaaseek baraá asla, muruú /aymár aaruuse qaaseek.»

2 WAAWITÁ 7:20

Ala adoorí ina tleehharút alee/isusmooduú waawutmo kuna kal/án nee muu dír afkú gixsár i alé, iri gwaá'.

2 WAAWITÁ 8:2

/Ameenidá' adoodá' heé Mungú ngaa báy gana tléhh, ina lót dinkwa nee múk do'ós, iri hotaá eér baraá yaamaá múk Filisti har afiqoomár kureeri faanqw.

WARA'AMI 105:16

Mungú giyeé gari tleés ayaaín i alé, muruú /aymar'ín sleémeero guri hhitín.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

YEREMIA 25:29

Qaytsiít, aníng amotlakwe ngin huúw baraá gixsar'eé'. Xáy, ka xua' muxtaro a /uurá'a? Kuungá' muxtaaro tundu mayká, asma slaqwara ngaa tleés ar múk yaariír kuwa tsu/i gawaá daanduú yaamuwo.› Anuú AAKOÓ MUNGÚ Aleesleemusmo tí ngina oó'.»

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

AMOS 4:6

«Aníng kuungá' nuna giyeédí tleés baraá gixsaduhúng sleémeero, muruú /ayma kuri dakuse' umuú diiro. Tam adoorihe kuungá' naa amor'eéní ki/iiká. Anuú AAKOÓ MUNGÚ tí ngina oó'.

HAGAI 1:11

Aníng qoomár slahhemasi ngi tleés baraaká yaamií ale, nee gawaá daandemaá tlom'i, nee baraá balaangw, nee gawaá difaáidá' /aben, nee baraá umuúqo gár di/tá duxuuma, nee baraá umuúqo gár yaamu i duxuna', nee gawaá muu, nee gawaá daanduú makaá ta de'en, nee gawaá daanduú gadiyeé sleémeero ar daba'.»

Luka 21:11

Kunseeloó yaariír ni ti'iit baraá yaamuwo. Nee baraá yaamaá dimbadimbehe giyeé ni tleér, nee tiqtír pu/i ni hardát. Muruú dae tlaáq i tleehharuut nee tlehhema'aá waa/oo/amo, awa gawaá dooraá dahhá' i aandá'.

Luka 21:22

As deeloorí tawa deelór li/aay, as tidá' taa gooín sleémeero iwa bo/.

Luka 4:25

«Ala tí a ló' aáng qoomár Eliyawo kwaeeli ki yaariir baraá yaamaá Israeliwo, qoomaadá' tluwaay iwa qwaár kureeraá tám nee slahheeraá lahhoó', giyér ur ina tleér.

Tlehhema'aá ya/Abuuse 11:28

Oo wák tla/angw'ine ku babay Agabo, iri sihhiít iri oó' ar /uuruú Qeeruú hhoohhoó' oo Mungú, iwa kaahi, giyér yaariir ni tleér baraá yaamu sleémeerowo. Giyeérí niri tleér qoomár Klaudio tawa waawutmoó múk Roma.

RUTI 1:1

Aáng qoomár yaamaá Israeli kiwa geeraharahaár nee har'ohuuse, giyér ur ina tleér baraá yaamaá Israeliwo. Heeko wák oo baraá gixsár Betilehemu ar baraá yaamaá Yuda ina tláy iwa ala hotaá ay baraá yaamaá Moabu. Inós nee hareerós nee daaqaywós tsár tina koné'.