2 WAAWITÁ 7:2 - Biblía Axweesantá Hhohho' ar Mungú 2004

² Aluuwo alee/isusmoó waawutmo Elisha guri báy, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Elisha iri oó', «Kuúng ilaawoge adoorí a tawo aán, ala gár ta tsaq i káhh.»

2 WAAWITÁ 7:2 Iomraidhean Croise

IIMU/UUNGW 7:11

Kurkú tsiire lahhoó' baraá slafíngw Noawo, slahhángw tsár tawa mibaá nee faanqw, baldá' kutlaay sleémeero oo iloodá' uren nina gweeritiyé', nee foxa'aá doori nina gweeritiyé'.

2 WAAWITÁ 5:18

Baraá gaarí wake aníng AAKOÓ MUNGÚ i gurtlay, qoomár bar ti alkoomaán nee aakooeé' waawutmo baraá doó Munguúdá' ta bay Rimoni, munguú múk Aramu as iwa baraadí sluufmisuú ay, qoomár inós bir tumbarara'aat, dakw'eé' burungwa ar qadiís, aníng sleeme niri tumbarara'aát baraá doó mungú Rimoni wa alé, daqaní baraá gaarí wake AAKOÓ MUNGÚ aníng i gurtlay.»

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

WARA'AMI 78:41

Tana alií kií/, Mungú kway iiaraa'ár, kudá' Hhoohhoó' oo Israeli nguri buhhtisiyé'.

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

YEREMIA 29:32

Gawaá adoorihe, anuú AAKOÓ MUNGÚ a kah, ‹Shemaya oo Nehelamu u slaáhh dinkwa nee xwaylarose. Dír xwaylarose oo slafíngwí meét i kaahh tam oo wák oo diihhooadá' ni muk'eé' tleehh ga ár.› Asma muk'eé' nguna dukiyé', anuú AAKOÓ MUNGÚ iwa si'iya', anuú AAKOÓ MUNGÚ tí ngina oó'.»

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

FAARO 11:13

Fu'unaá mukwí yaariír sleémeero ngur /aymiis dír ngiwa slaw a diimá? Asma hamí inooín daxta i /aa/aminá' dír geeraaeé' wa ale, tawa kaahi, ‹Qwaláng, fu'unaá /ayma slawang.›

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Rumi 3:3

Ala bar dir'ine bahh'alé i inkihhimuú kona'aaká, adoorí daqaní a adoomá? Xáy ador'ín tí inkihhimuú Mungú gun hingésa?

DABE 3:27

Tsa/ám ay gawaá tsitsinír tloomár Pisga, ta ló'wa qaytsita hhe'és bihhaá /uwa, nee /iya, nee basa, nee bihhaá da/aáw, yaamuudá' ki xuuxú', ala kuúng yaaér Yordani a waarahhká.

2 Timoteo 2:13

Atén bar inkihhimuú ala inós inkihhimuuwós i baloó faakiiká, asma inós kilós ti aleeslayká sa tlaankuuwo.»