2 WAAWITÁ 7:1 - Biblía Axweesantá Hhohho' ar Mungú 2004

¹ Elisha iri oó', «Axweesantá AAKOÓ MUNGÚ iiárií qaaseek, matlo qoomár adór tí baraaká gixsár Samariaro kílo tám ar puuruú hhohhó' oo angaáno ka weeriis ar shekeélír wák nee kílo lahhoó' ar shayiíri ka weeriis ar shekeélír wák.»

2 WAAWITÁ 7:1 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

2 WAAWITÁ 20:16

Isaya Hesekia guri báy, «Gimáy, axweesantá AAKOÓ MUNGÚ iiárií qaaseek.

2 WAAWITÁ 4:42

Heeko wák oo Ba'al-shalishár daáhh Elisha heé Mungú guri mikaátér mibeeri tsár i huúw, ar taa tleéhh ar balángw geera oo kurkudá' oo angaánoó shayiri nee qiintár angaáno ar guniyadu iwa hatsiya'. Elisha Gehasi guri báy, «Haniiseek dír muu ka /ayi.»

2 WAAWITÁ 6:25

Adoorí giyér hhamhhám gari húp baraá gixsár Samariaro. Tlaxo iri tsa/aán ságw daqwaay kuri weeriís ar parhheemaá mibeeri dakaát awa peésa, nee slooqoó niiná oo /o/ór hhooki gár kura weermiís a parhheemaá kooán awa peésa.

2 WAAWITÁ 6:33

Tidá' ooaro gaa hhe'eesiiká, heedaádá' tinda ya/aáw nee waawutmo naa hardáh, i kaahi, «Slahh'amuuwí amór i dahhi a amór AAKOÓ MUNGÚ, án gár ni daamaraam a milá ar ni aniíngí tleehhi?»

2 WAAWITÁ 7:16

Múk Samaria tari tláy, tari dáh baraá xafoó múk Aramu. Adoodár kilá' AAKOÓ MUNGÚ ngira oó', kílór kooán ar puurú hhohhó' oo angaáno kana weerimiís ar shekeélír wák nee kílór mibaangw ar shayiíri kana weerimiís ar shekeélír wák.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

TI'INAANGW 16:12

«Aníng qununu/oó múk Israeli ugwa axaás. Inooín ki beer, ‹Qoomár tsiindoowo fu'unaay in /agá', nee matlaatleero gur'e an dala/aandá' mikaáteero. Daqaní kuungá' kari tsahhá' adór aníng tar AAKOÓ MUNGÚ Munguúhúng.› »

TI'INAANGW 8:23

Aníng muk'eé' u paraátl dír mukoge. Layaarí i geehhoouur a matlo.› »

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ESEKIELI 37:4

Inós aníng iri báy, «Aariím daanduú faduukae. Ki a adoorí beér, Kuungá' fadaá kaaharen, axweesantá AAKOÓ MUNGÚ iiárií qaasaak.

Yohana 6:9

«Garmaako niiná diirihe i deer. Inós mikaátér kooán ga kón, ar taa tleéhh ar puuruú shayiíri, nee siyoó tsár. Ala tí gár i bu' a milá dír múk yaariír kwihe?»

YOSHUA 3:5

Yoshua muu guri báy, «Gimsé' ti kiloohúng hhoohhoese', asma matlo AAKOÓ MUNGÚ muruú waa/oo/amo gu tleehh baraá tla/angwhúng wa ale.»

Geehhoeemaá 6:6

Afo ngiri axaás sleeme, ar baraá tla/ángw muruudá' tsiyáhh oo slaáf daahh. Afoorí i kat, «Angaáno oo har qoomoó slooqomoó wák, tlaxoorós a bu'utuú tlaatla/ángw wák. Balángw shayiíri oo har qoomoó slooqa'aá tám, tlaxoorós a bu'utuú tlaatla/ángw wák. Ala di/i nee difaái ma hhitiimaar.»

1 SAMUELI 11:9

Inooín ya/abuuseedá' naa hardat kari báy, «Múk Yabeshi-gileadi ku beera', ‹Matlo qoomár tsee/amá bira uú', ba/ama a sleerá'.› » Naagáy ya/abuuseedá' iri tleér, múk Yabeshi kuri ádbáy, inooín tari qwalaá/.

1 SAMUELI 15:1

Samueli Saulo guri báy, «AAKOÓ MUNGÚ aníng ina amoorógí ya/aáw uwa iimbalaax ar di/i as kahhó' kuúng tawa waawutmoó múk Israeli, gimáy, daxta afór AAKOÓ MUNGÚ iiárií qaaseek.