2 WAAWITÁ 3:9 - Biblía Axweesantá Hhohho' ar Mungú 2004

⁹ Naagáy waawutmo Yoram iri tláy dinkwa nee waawutmoó Yuda nee waawutmoó Edomu. Ala nina hi'iimitiyé' deelo faanqw, ma'aay niri faakiyé'. Ma'aay i kahhiyá' awa slaqwaruuse i wat, laqaá awa makay'ín i wahiya'.

2 WAAWITÁ 3:9 Iomraidhean Croise

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

1 WAAWITÁ 22:47

Baraá yaamaá Edomuwo waawutmo i kaahh, yaamuuká' kina sawaawuti'ín nee alee/isusmoó waawutmo.

1 WAAWITÁ 22:48

Waawutmo Yehoshafati miriingér Ofiri kakaw gana tleéhh ar sahaábu leehha, ala ina hardatiká, asma ina qeqtiín baraá Esion-geberi.

2 WAAWITÁ 3:1

Kurkú mibaá nee dakaát oo waawuti'iimár Yehoshafati waawutmoó Yuda, Yoram garmoó Ahabu waawuti'iima gana iimu/ún baraá Israeliro nee kureeri ngaa /aáy mibaá nee tsár baraá waawuti'iimár Samariaro.

2 WAAWITÁ 3:10

Waawutmoó Israeli iri oó', «Tsaxwaarén, AAKOÓ MUNGÚ ateéká' waawitaáwí tám taa dinkwárí ateet as tiwa qaasi baraá dabaá waawutmoó Moabu.»

2 WAAWITÁ 3:7

Afo gari ya/aáw amór waawutmo Yehoshafati oo Yuda, guri báy, «Waawutmoó Moabu kangw'eé' gwaa sií', xáy a aldinku'uusána baraá slaqwaraaro?» Waawutmo Yehoshafati iri oó', «Eeít, aníng ti amohhoó'. Aníng nee kuúng gár dimbé i káhh, muk'eé' a mukók, farsuueé' aqo kók.»

2 WAAWITÁ 3:8

Aluuwo Yehoshafati iri oó', «Xáy, loohír tar oohaan a gaalá?» Yoram iri oó', «Loohír xaanxoó Edomu anar dahaán.»

2 WAAWITÁ 8:20

Qoomár waawiti'iimár Yehoramuwo múk Edomu ina sií' kiwa sawaawuti'in nee múk Yuda, waawutmooín nguri qaasiyé'.

TI'INAANGW 11:8

Mose iri male oó', «Slám geeraharuuseerók tí sleémeero in i xupú' iri beer, ‹Tláw, kuúng nee mukdá' sleémeero u eeharahara!› Aluudae aníng niri tláw.» Naagáy Mose iri tláy dír Farao wa ale, aa qaroó daa/atúy buhhtaawo.

TI'INAANGW 15:22

Mose xooroodár Israeli gari geerahaár tawa geerií kumiiti dír tlawtá Shamúr wa ale. Inooín tari tláy ay xaanxoó Shuri, tari hi'iimiít deelo tám baraá xaanxáy wa ale, ma'aay ngaa slay'iiká.

TI'INAANGW 17:1

Xoorór Israeli sleémeero iri baraá xaanxoó Sínír wa lót, inooín nina hara loohi qaqatiné' ar adoodá' AAKOÓ MUNGÚ ngira hara'ayín. Xafaay nguri tleehhiye' dirka ta bay Refidimu. Ala ayaadae ma'aá wahaangw i kahhiyá'.

FAARO 20:2

Didá' xafay'ín nguy tleehhiyé' a yaamaá ma'aá kooma'aaká. Gawaá adoorihe, muu sleémeero iri burumburiít dír Mose nee Aroni.

FAARO 20:4

Ahaá waáy, gár ateéká xoorór AAKOÓ MUNGÚ tisa baraá xaanxaywí hubé'? Xáy tina baraakií hubí'i as nee hikwaarén tawa baraakií qatlaan?

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

FAARO 33:14

Tari Alushír wa tláy ay Refidimu, xafay'ín kuri didií tleéhh. Didaádae hhaynuú ma'aá wahaangw i kaahh.

HAR'OHUUSE 4:10

Baraka tlahhoó Naftali nee oo Sebuluni giri buruumbuúr baraá yaamaá Kedeshi, hhawaataá kume mibaangw nina fi'iitiyé'. Debora nee inós tiri alkoné'.