2 WAAWITÁ 3:7 - Biblía Axweesantá Hhohho' ar Mungú 2004

⁷ Afo gari ya/aáw amór waawutmo Yehoshafati oo Yuda, guri báy, «Waawutmoó Moabu kangw'eé' gwaa sií', xáy a aldinku'uusána baraá slaqwaraaro?» Waawutmo Yehoshafati iri oó', «Eeít, aníng ti amohhoó'. Aníng nee kuúng gár dimbé i káhh, muk'eé' a mukók, farsuueé' aqo kók.»

2 WAAWITÁ 3:7 Iomraidhean Croise

1 WAAWITÁ 22:4

Aluuwo Ahabu Yehoshafati guri báy, «Xáy ti alkoomána baraá slaqwaraaro amorqár Ramot-Gileadi?» Yehoshafati waawutmoó Israeli guri mu/aywaáts, «Eeít aníng nee kuúng a gár wák, muk'eé' a mukók, farasueé' a farasuwók.»

2 WAAWITÁ 13:20

Elisha iri gwaá', kway foól. Naagáy umuú kurko bir iimu/uu/ún daqtá múk Moabu in haratlaatleér baraá yaamaá Israeli.

2 WAAWITÁ 3:6

Gawaá adoorihe, waawutmo Yoram iri Samaria wa tláy, slaqwaruusér Israeli gari burumbuúr sleémeero.

2 WAAWITÁ 3:8

Aluuwo Yehoshafati iri oó', «Xáy, loohír tar oohaan a gaalá?» Yoram iri oó', «Loohír xaanxoó Edomu anar dahaán.»

2 WAAWITÁ 3:9

Naagáy waawutmo Yoram iri tláy dinkwa nee waawutmoó Yuda nee waawutmoó Edomu. Ala nina hi'iimitiyé' deelo faanqw, ma'aay niri faakiyé'. Ma'aay i kahhiyá' awa slaqwaruuse i wat, laqaá awa makay'ín i wahiya'.

2 QOM'I 18:3

Waawutmo Ahabu waawutmo Yehoshafati guri báy, «Gám, a slaqwarár awaána baraá Ramot-gileadi?» Yehoshafati iri oó', «Aníng a dinkwa nee kuúng, nee muk'ee a mukók, atén nee kuúng ti alkoomaán baraá slaqwara.»

2 QOM'I 19:2

Iigu'utusmo Yehu garmoó Hanani, iri tláy, waawutmo Yehoshafati gway al'áy, guri báy, «Kuúng múk tlákw un ale/iisár eéra, nee múk AAKOÓ MUNGÚ ahhiít un slá'a? AAKOÓ MUNGÚ ugwa i buúhh as kaangwí taa tléhh.