2 WAAWITÁ 3:4 - Biblía Axweesantá Hhohho' ar Mungú 2004

⁴ Waawutmo Mesha oo Moabu, inós a de'eemusmoó bee/aangw, nee umuú kurko ohme gana bu'ún dír waawutmoó múk Israeli ar deeloó bee/aangw kume tsiiru, nee se'éngw bee/ángw kume tsiiru.

2 WAAWITÁ 3:4 Iomraidhean Croise

IIMU/UUNGW 13:2

Abramu a daqaarmo. Hikwaá yaariir gi kón, tam peésa nee sahaábuwo.

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 QOM'I 18:2

Daudi sleeme múk Moabu guna baál slaqwaraaro, tay lawaaleerós tleehhiít kway ohmér i huwahuúw.

2 QOM'I 26:10

Inós sleeme baraá darmuuwo /aampu giri tleéhh, tlahheesaá yaariir giri foól, asma inós hikwaá yaariir gi kón baraá yaamaá goongoama nee baraá xatsowo. Inós doosla ga ló'wa slaa', muu guri qaás oo qamuuwós xuúm baraá yaamaá goongoamawo nee yaamuudá' wahhaara'a.

YOBU 1:3

Yobu a daqaarmoó tlií/, bee/aangw ngu kon kume faanqw, angamía kume tám, awér doosla ngi kon kumuú wák. Daqwaayér /ameena ngi kon a tsiire kooán. Sagadiyuusér do'ós ka ló'wa yaariir. Inós a heé ló'wa iia tleér baraá yaamuudaá da/aawe.

YOBU 42:12

AAKOÓ MUNGÚ hotaá Yobu kukaá alu gina ak tsuúq ta kudaá geeraawo. Bee/ángw Yobu tari kume mibaá nee tsiyáhh, angamiarós a kume lahhoó', hikwa ngi kon kume tsár, nee daqwaayér /ameena a kumuú wák.

WARA'AMI 60:8

Moabu a qwaree/amooeé' oo hamtlo, nee Edomu ugwa hharte'eé' qaás as tawa kwe'eé'. Aníng a baraá/ asma múk Filisti ugwa baál.»