2 WAAWITÁ 24:3 - Biblía Axweesantá Hhohho' ar Mungú 2004

³ Looeemaawo muruú tlákw múk Yuda guna sláy ar adoodá' AAKOÓ MUNGÚ ngira oó', aa inooín kiwa ar tlay dír geeraawose, asma tlakweemaadá' waawutmo Manase aa tlehhaahhiít,

2 WAAWITÁ 24:3 Iomraidhean Croise

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

2 WAAWITÁ 17:18

Gawaá adoorihe, AAKOÓ MUNGÚ múk Israeli guri ló'wa i buúhh, guri guús dír geeraawose. Heé taa máy i kaahh aqo har tlahhoó Yuda kilós.

2 WAAWITÁ 17:20

AAKOÓ MUNGÚ múk Israeli guri sií' sleémeero, giri muúx ar loohír xoordaá xaraaslá', sleémeero kiri hhaamiís dír geeraawose.

2 WAAWITÁ 17:23

Alhhe'eesaywo AAKOÓ MUNGÚ inooín giri qwaareés dír geeraawose ar adoodá' ngira naanaáq ar loohír sagadiyuuserós ar aaruuse. Gawaá adoorihe, múk Israeli kuri ar tláy ay baraá yaamaá Ashuru, ay nee laarí ta hotaatín amoodá' wa aleeró.

2 WAAWITÁ 18:25

Tam adoorihe, xáy, kuungá' ka xua' aníng nee AAKOÓ MUNGÚ ti kaahi koomanaakáhe as yaamuuhúng ngiwa i haratlaw, nee ngiwa qwaarees. AAKOÓ MUNGÚ an heé iga bay, ‹Yaamusingá' i haratlaweek nee ki hhaamís.› »

2 WAAWITÁ 21:16

Inós múk Yuda guna dahaás baraá tlakweemaawós, inooín tlakweema ngiri tleehhiyé' geeraá AAKOÓ MUNGUHE. Sleeme Manase múk yaariír oo dakuús wásl guna tsuú/, tseerér yaariir ina ku'út badu sleémeero ar Yerusalemu.

2 WAAWITÁ 24:20

Múk Yerusalemu nee oo Yudawo AAKOÓ MUNGÚ nguna ló'wa buhhtisiyé' giri hingeés dír geeraawose. Sedekia iri dee/anuút dír waawutmoó Babuloniro.

2 QOM'I 24:24

Tam slaqwaruusér Aramu ka niinawe, AAKOÓ MUNGÚ gana aleesleemuú i haniís, asma múk Yuda AAKOÓ MUNGÚ, Munguú baabi'ii'ín nguna si'iyé'. Gawaá adoorihe múk Aramu sakwasleemár AAKOÓ MUNGÚ daanduú Yoashiwo ngiri boo/eesiyé'.

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

YEREMIA 32:31

Múk baraá gixsarí ina buhhtamaamís iimír kawa tleéhh ay laarí. Gawaá adoorihe gixsarí an hhaamiís dír geeraaeene.

YEREMIA 52:28

Gár taa diirí gooín a faarór mukdá' Nebukadnesa aa loohatís: Baraá kurkú faanqw oo waawuti'iimarós, múk Yahudi oo aa loohatís a kume tám nee mibeeri tsár nee tám,

ESEKIELI 22:3

Ka beer, anuú Aakoó MUNGÚ a kah, kiíng a gixsár mukók oo kilá' tsu/a/iim, nee ti kilók meetagaamís ar slaqsi'iidaá munguaá hatlá'. Gawaá adoorihe qoomaarók ar sakwasleema naa xeér.

ESEKIELI 24:6

Gawaá adoorihe anuú Aakoó MUNGÚ a kah, ‹Tsaxwaawós gixsadá' tsu/umamiit, gixsarí an adór muqslír kuútuú koom, kuútuú baloó tu/uutaká, weegamoó fu'unaay baraawose kun wakeetín duxuungo, slám ku tsawditiiká.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

MIKA 2:10

Quutlé', tlawsé', asma diirí a dír amohhooarhungeeká malé alé. Asma slasla/areemaahúng yaamuuká' ngaa qwaareesiyé', eeít, ar qwaareemisuú iló' ló'wa alé.

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.

DABE 29:28

AAKOÓ MUNGÚ giri tlatlahhaás baraá yaamuuín wa ale ar buhhtaá xaraasla', giri kwaáhh baraá xoordaá hatlá' adoodá' hamí laarí i dirii'iya'.›

YOSHUA 23:15

Ala adoodá' muruudá' sleémeero oo hhó' AAKOÓ MUNGÚ, Munguúhúng naa dirhúngií al'axweés ira boó/, adoorí an adoodá' sleeme AAKOÓ MUNGÚ muruú tlákw ngur aleesláy gawaahúngií huwto ay dír kuungá' tay hhaanda' baraá yaamuuká' hhooe awa tinda haniís nee AAKOÓ MUNGÚ Munguúhúng.