2 WAAWITÁ 21:3 - Biblía Axweesantá Hhohho' ar Mungú 2004

³ Asma inós kiteeridá' waawutmo Hesekia aa feé/ kudá' munguaá hatlá' kiwa gawaá gongoamaá wa sluufmiisi, inós gina male /abeés, kitángw Ba'ali kuwa ilahhooárí hanmiisi guna tleéhh, nee slaqsoó Ashera guna tleéhh adoodá' aáng Ahabu waawutmoó Israeli aa tleéhh. Tam adoorihe Manase tsatse/uú gawaá doori guna sluufmiís, guri sagadiyuús adór Munguú ló' wa aleeró.

2 WAAWITÁ 21:3 Iomraidhean Croise

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

1 WAAWITÁ 18:26

Aaruuseedár Ba'ali awuuín nguri tsawaariyé', nguri amohhe'eesiyé', Ba'ali nguri iimu/uné' firooro, iimír matlaatlér wa ale ay /ameetleemu. Nina ni/iné' nee kitangwduú ilahhooa taa tleéhh nguna harweeditiyé', tawa kaahi, «Ba'aáli, atén ti iiaárií qas!» Ala afór taa axaás i káhh, laqaá heé gaa mu/aywaats i kaahh.

2 WAAWITÁ 13:6

Tam adoorihe múk Israeli tlakweema tlehhtuuwo gaa mayká, kudaá waawutmo Yeroboamu múk Israeli nguwa baraá tlakweemáy dahaás, ala tana kumiít tlakweema tlehhtuuwo nee Ashera munguúín kuduú /ameeni, ina meér baraá Samaria.

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 WAAWITÁ 18:22

«Ala tam i beera, ‹Atén AAKOÓ MUNGÚ, Munguúrén un harahhifaán,› xuaak adór munguúsíng tar kudá' Hesekia kiteeriwós kudá' gawaá gongoama' awa ilahhooa hanmis ngira fe/iít, múk Yuda nee oo Yerusalemu guri báy, ‹Mungú sluufmisaak dír geeraá kitangwduú ilahhooa oo baraá Yerusalemurí dirií'.›

2 WAAWITÁ 18:4

Inós kiteeridaá gawaá gongoama' awa munguaá lama kiwa sluufmiisi nee uheemidae gina feé/, nee slaqsoó munguú Ashera guna tsaát. Inós slaqsayduú dayshamo, kudá' aáng Mose aa tleéhh ar muqslír sirdaa/aat, kudá' ta babay Nehushtani, guri suwawaá'. Asma ay qoomaadá' múk Israeli dayshamoodá' taa tleéhh nee Mose ngun mooyángw tsuú' i da/a/aná' as nguwa ilaiwawa/iya'.

2 WAAWITÁ 8:18

Inós loohidá' tlaakw ar waawituú Israeli gana eehár, adór hhay Ahabu aa tléhh gana tleéhh, asma hareerós an dasír Ahabu. Inós muruú tlákw guna tlehhiít dír geeraá AAKOÓ MUNGUHE.

2 WAAWITÁ 8:27

Ahasia harér aa duúx ar tlahhoó hhay Ahabu, gawaá adoorihe, Ahasia tlehhma'aá hhay Ahabu gina eehár. Tlehhma'aá tlakw gina tleéhh dír AAKOÓ MUNGUHE ar adoodár kilá' hhay Ahabu aa tléhh.

2 QOM'I 32:12

Xáy, Hesekiadá' a kwiheekáhe oo wa/ameedár gawaá gongoama' Mungú kuwa sluufmiisi nee kiteeriwose gaa hingees, múk Yuda nee oo Yerusalemu guri báy, dír kitángw wák na wa sluufmisaak nee ilahhooarhúng ar muruú ta tsu/i ka gawaadií da/a/aandá'?

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

YOBU 31:26

barnaxes tsee/amá niwa ti'imiiti ugwa sluufiís, laqaá slahhaangw baraá hi'iitanoorose nee hhohh'arirose,

ISAYA 65:11

Ala kuungaádá' AAKOÓ MUNGÚ ugwa sie', kudá' tloomar'eé' tidá' hhoohhoo' aga gunqaarese', kudá' muruú /ayma ngwa amohhe'eese' dír Munguúdá' ta bay ‹Gitsee/aá Hhooá'.› nee kudá' slooqomo ngu hatsimiisá' difaáiro as Munguúdá' ta bay ‹Gitsee/aá Tlaakwá'.›

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

MIKA 6:16

Adoorí in tleehharút asma kuungá' hara'aydaá tlakw awa waawutmo Omri ina oté', nee tlehhmi'i sleémeero awa doó garmaawós, waawutmo Ahabu, ina eehadé'. Kuungá' loohir'ín kari eehadé'. Gawaá adoorihe aníng yaamuuhúng i hhitiím, nee kuungá' tari waaqa'atitá'. Múk xoordaá hatlá' sleémeero nuri waaqaa'.»

DABE 16:21

«Qoomár kitángw ilahhooa bura tlehhé' as AAKOÓ MUNGÚ Munguúhúng, uhmoó ta sluufmiisi oo slaqsoó munguú Ashera mu tleehhara' bihhaá kitangwduú ilahhooa.

DABE 17:2

«Barnaxes aga axasé' baraá gixsaduhúng kudá' AAKOÓ MUNGÚ naa kuungá' i haniís, heé hhawaata laqaá /ameeni tlakweema gaa tleehh dír geeraá AAKOÓ MUNGÚ, Munguúhunge, nee alqadoorós gari sií',

DABE 17:3

inós munguaá hatlá' giri sagadiyuús nee giri sluufmiís, nee sleeme tsee/amá, nee slahhaangw tam tsatse/uú gawaá doori guri sluufmiís, kudá' aníng naa ooiiká kuwa sluufmisá',

DABE 20:18

As kahhó' inooín kuungá' munduwa intsaahhatisiyé' tlehhmi'ii'ín kudá' ta waki, kudá' i tlehhahhitiya' dír munguii'ín, nee kuungá' tlakweema kiri tlehhá' dír AAKOÓ MUNGÚ, Munguúhúng.

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.