2 WAAWITÁ 2:9 - Biblía Axweesantá Hhohho' ar Mungú 2004

⁹ Tawa hardáh gayuduú hatlae Eliya Elisha guri báy, «Gimáy gár ta sla' ooang dír aníng tira ar tlayká diroge.» Elisha iri oó', «Masók aleesleemuú qeeru oo adór kók kwisíng un sagaáwa tsár wa sláw.»

2 WAAWITÁ 2:9 Iomraidhean Croise

1 WAAWITÁ 19:16

Nee Yehu garmoó Nimshi di/i tir iimbalax as tawa waawutmoó Israeli. Elisha garmoó Shafati kuduú Abel-mehola di/ito ku iimbaláx as tawa aarusmoó kitaangók gu óh.

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

WARA'AMI 72:1

Mungú, waawutmo intsaahhatiseek sakwasleemár ganaa'a, nee waawutmo gan'amuuwók tii hanis.

WARA'AMI 72:20

Ay diirí an alhhe'eesoó firór Daudi, garmoó Yese.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 9:12

Kuungaásingaá taa tsegiít awa harahhifór koomá', ki/é' amór koo/irhúng tidá' gawit. Hamí án kuungá' nun baw, nu hhooeemáy ki/ís sagaáwa tsár wa ale.

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

Yohana 16:7

Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 8:17

Petro nee Yohane daber'ín kari qaás gawaaín i alé, nee Qeeruú hhoohhoó' oo Mungú kuri ilaaóh.

1 Korinto 12:31

Ala kuungá' aleesleemuudá' ak afhhamít na leelehhiitaak. Nee aníng loohír ak hhoo' ngi kuungá' i laqaám.

DABE 21:17

Inós aqo garmoó baris oo /ameenidá' i slaiiká gun ya/án nguwa aalírí haniisi, sagaá wa tsár wa ale baraá tidá' i kona. As adoodá' tawa garmoó baris, aalír garmoó baris a tós.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.