2 WAAWITÁ 2:6 - Biblía Axweesantá Hhohho' ar Mungú 2004

⁶ Naagáy Eliya Elisha guri báy, «Gám na'ás kuúng diirí meeteek, AAKOÓ MUNGÚ iga ya/aáw ay yaaér Yordani.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tsaraawo tiri alkoné'.

2 WAAWITÁ 2:6 Iomraidhean Croise

IIMU/UUNGW 22:6

Abrahamu migíruuduú ilahhooadár da/a guri tsa/aás gawaá ságw Isaka garmaawós. Inósuú kilá' dakose asla nee tsataywo giri óh, tsaraawo tari altláy.

IIMU/UUNGW 22:8

Abrahamu iri oó', «Garmaaeé', Mungú inósuú kilá' deelmoó bee/i oo ta ilahhooár da/tá wa hanisaan ngu sláy.» Naagáy inooín tsaraawo tari kumiít geerií alé.

2 WAAWITÁ 2:2

Eliya Elisha guna báy, «Gám na'ás diirí meeteek, asma aníng AAKOÓ MUNGÚ iga ya/aáw Beteli.» Ala Elisha iri oó', «Adoodá' AAKOÓ MUNGÚ ir hotaatina nee adoodá' kuúng tar slafa, ar looeemaawo aníng kuúng u baloó geexawaaká.» Naagáy tay alkoné' ay Beteli.

2 WAAWITÁ 4:30

/Ameenidá' Elisha guri beér, «Ar adoodár AAKOÓ MUNGÚ ir hotaatina nee kuunge aníng kuúng u baloó geexawaaká.» Naagáy Elisha nee inós tari alkoné'.

YOSHUA 3:15

Qoomaarí an qoomár bu'uungw, nee qoomaarír bu'uungo yaaér Yordani in hatsatsiín ay afaá tsee/a. Qoomár kaahamuuseedá' sandakmoó alqadór loohiis iwa hardát baraá yaaér Yordani, nee ya'aaín ma'aay ngiwa kwatitiyé',

YOSHUA 3:8

Kuúng kaahamuuseedá' sandakmoó alqadór loohiis, ki ádbeer as qoomár bar taa hardáh afaá ma'aá yaaér Yordani tawa sihhiiti.»

RUTI 1:16

Ala Ruti iri ó', «Kiíng án mi harhheehhe'emisaar iwa geexaw, niri kií/ nee kiíng tiwa koomanaaká. Didá' kiíng ta keera, án nee kiíng ti koomaán. Didá' kiíng tawa hota, án nee kiíng an hootaán. Mukók a muk'eé' sleeme. Munguúwók a Munguúeé' sleeme.

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»