2 WAAWITÁ 2:12 - Biblía Axweesantá Hhohho' ar Mungú 2004

¹² Elisha adoorí ngiwa ár iri /aá/ iwa kaahi, «Baabuúeé', baabuúeé', gaardaá faras i uuruxun nee mukdá' faras gwaa i tsa/an.» Naagáy Elisha Eliya gway ártí ki/iiká. Elisha tlabaawós giri óh, giri feehhamiís kaeemo tsár.

2 WAAWITÁ 2:12 Iomraidhean Croise

2 WAAWITÁ 13:14

Aarusmo Elisha tiqti guri /uurúr ót. Qoomár gwa'ara ngiwa áy, waawutmo Yehoashi oo Israeli guri neetleesi áy. Iwa hardáh iri dír geeraá Elisha wa /aá/, iri oó', «Baabuúeé', baabuúeé', gaardaá múk Israeli nee mukduú farsuú madiít.»

Geehhoeemaá 11:12

Aluuwo aaruuseedá' tsár afór ur kari axaás ar gawaá dooraá daahh, giri beér, «Tsa/amaré' ay amoorí.» Tari tsa/án gawaá doori ar baraá huunkáy, qoomár wakuuser'ín iwa amor'íní xumis.

Efeso 4:8

Gaarí an gár Gooi is kat, «Ina tsa/án gáwtí alé, múk taa baál baraá slaqwarár wa ale, nguri ar tsa/án, muu guri tsuuqaá i hanmiís.»

2 korinto 5:4

Ala qoomaarí atén tawa baraá heémaarír slaqooká' wa hootaan, atén an /ifaán as huwaarí iiloo' ar ta gagariimaan. Asma slaqooká' qaren i sla'aanaaká kiwa duuxaan. Ala slaqoodá' /aben i sla'aán kiwa dahaasaan daanduú kudá' qarén wa ale, as gwa'ara kawa gu/i nee slafiingw.

2 korinto 5:2

Asma qoomaarír hamí atén tawa hootaan baraá slaqooká' wa ale, a /ifaán, asma slaqoorén kudá' gawaá doori i ló'wa ilatleeruusaán kiwa tsiitaan.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

Tlehhema'aá ya/Abuuse 1:9

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Luka 24:51

Qoomár inós ngiwa tsuuqun, tiri paraátl dir'ine, kurira tláy gawaá doori.

Luka 2:15

Qoomár malaykeedá' iwa gawaá doorí kí/, de'eemuusér aáng tari axweés ta kaahi, «Gimsé', a tlawaán ay Betilehemu, tidá' aa tleehharut, Aako naa atén i oó' a artá awaán.»

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

ISAYA 37:21

Aluuwo Isaya garmoó Amos iri ya/abín amór waawutmo Hesekia, iri oó', «Tí an tidá' AAKOÓ MUNGÚ i kaahi, Munguú Israeli, as aníng iwa firiín daanduú Senakeribuwo waawutmoó Ashuru.

ISAYA 37:15

Hesekia AAKOÓ MUNGÚ guri firín, iri oó',

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

DAHARUSMO 7:19

Sagalooa i /uuruú hanmís dír heé sagalooe, ta waawituú mibaangw oo gixsár sawaawuti'ii'ima.

AXWEESANOÓ SAGALOOA 11:11

Tsuuqaá heé hotaawós ganaa'á' i slay, gixsa ngi iiatleeresiyá', ala gixsa in qwát as afér múk tlákw.

YOBU 22:30

Inós heé daba' hhohhó' gun ba/amis. Tun ba/amis as kuúng tuwa xaslxaansli wásl.»

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

2 WAAWITÁ 2:13

Naagáy tlawuuduú Eliya aa gawaawós i huu', guri taataáhh, iri kií/, iri sihhiít dír gaangeefír yaaér Yordani.

2 WAAWITÁ 5:13

Sagadiyuseerós guri haratseewuúr, guri beér, «Xáy, baabuúrén, kuúng geeraawo bar aarusmo una báy, gár ur tleehheek, tleehharo a meéra? Hám daxta an ak tsinihekáhe uwa báy, ‹Tláw hamtliím, hhoohhooúw.› »

2 WAAWITÁ 6:21

Waawutmoó Israeli múk Aramu nguwa ár, Elisha guri yaahaás, «Xáy baabá, i tsú/a?»

IIMU/UUNGW 5:24

Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

HAR'OHUUSE 17:10

Mika iri oó', «Diirí wa hootang. Kuúng masók dir'eene a adór baabá nee kaahamusmoó dooeé', aníng kuúng u buú' ar parhheemaá mibaangw awa peésa umuúqo kurko, nee tlabaawo, nee muruú /aymaaroge.»