2 WAAWITÁ 2:1 - Biblía Axweesantá Hhohho' ar Mungú 2004

¹ Qoomaadá' iwa xeér ar AAKOÓ MUNGÚ Eliya nguwa ar tleemuú wa slai gawaá doori ar fur'ár bambaao, Eliya nee Elisha ta baraá loohírí dirii', ta Gilgalír daahh.

2 WAAWITÁ 2:1 Iomraidhean Croise

IIMU/UUNGW 5:24

Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

1 WAAWITÁ 19:11

AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

2 WAAWITÁ 1:18

Tlehhma'aá hatlá' awa waawutmo Ahasia aa tleéhh kaa gooín baraá kitaábuú qom'i oo waawituú Israeli.

2 WAAWITÁ 2:11

Qoomár tawa hi'iimiti nee tawa axweesi ila nee tí gaárír asla nee faraásír asla Eliya nee Elisha giri parátl, Eliya kuri ar tláy gawaá doori ar fur'ár bambaao.

2 WAAWITÁ 4:38

Elisha iri kií/ Gilgali qoomár giyeé niwa tleér baraá yaamuwo. Looarka wake Elisha nee eeharuusér aaruuse tawa iwiiwiti sagadiyusmoowós guri báy, «Hutloó úr qaaseek baraá asla, muruú /aymár aaruuse qaaseek.»

YOBU 38:1

Aluuwo AAKOÓ MUNGÚ Yobu guri mu/aywaáts ar baraá bambaao, iri oó',

Luka 9:51

Qoomár deeloorós ar kuwa gáwtí huwi iwa tseewuúr, inós iri piíhh iwa Yerusalémúr kay.

Tlehhema'aá ya/Abuuse 1:9

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

Ebrania 11:5

Enoki sleeme a heé haratlintaaór koóm. Gawaá adoorihe kuna loohatís nee Mungú ay baraá slafíngw hatlá', nee aa gwaaiiká. Kaa gooín, «Kwaa ariiká malé alé, asma Mungú guna ar tláy.» Asma Gooi i malé kat, qoomár inós kuwa ar tlayká, inós Mungú gwa qwal/atís.

YOSHUA 4:19

Slahhángw geera bál tawa mibaangw, muu yaaér Yordani gana waaraáhh, xafay'ín ngway tleehhiyé' yaamaá Gilgali, bihhaá da/aáw awa Yeriko.

YOSHUA 5:9

AAKOÓ MUNGÚ Yoshua guri báy, «Daxta mureewaslayduú kuungá' tawa lawalér múk Misri laarí ugwa hingeés dirhunge.» Gawaá adoorihe didá' kari báy Gilgali tam ay laarí.

Geehhoeemaá 11:12

Aluuwo aaruuseedá' tsár afór ur kari axaás ar gawaá dooraá daahh, giri beér, «Tsa/amaré' ay amoorí.» Tari tsa/án gawaá doori ar baraá huunkáy, qoomár wakuuser'ín iwa amor'íní xumis.