2 WAAWITÁ 18:3 - Biblía Axweesantá Hhohho' ar Mungú 2004

³ Inós geeraá AAKOÓ MUNGUHE hhooa gana tleéhh adór Daudi baabuúwós wa ale.

2 WAAWITÁ 18:3 Iomraidhean Croise

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

2 QOM'I 29:2

Hesekia hhooeema gina tleéhh dír geeraá AAKOÓ MUNGUHE adoodá' waawutmo Daudi baabuúwós aa tleéhh.

2 WAAWITÁ 22:2

Yosia adór ganaa' gana tleéhh, AAKOÓ MUNGÚ guri sla'atís. Inós adoodá' baabuúwós waawutmo Daudi aa tleéhh gana eehár, inós hara'ayár AAKOÓ MUNGÚ sleémeero gana iialooeés.

1 WAAWITÁ 15:11

Waawutmo Asa tlehhma'aá hho' gina tleéhh dír geeraá AAKOÓ MUNGUHE adoodá' Daudi baabuúwós aa tleéhh.

1 WAAWITÁ 15:5

AAKOÓ MUNGÚ adoorí gana tleéhh asma Daudi gan'amu guna tleéhh, nee hara'ayár Mungú gaa baloó iiawaslesiiká baraá hotaangós sleémeerowo, aqo har dakuúsadá' aa tleéhh ar Uria heé Hiti.

1 WAAWITÁ 11:38

Kuúng tidá' aníng naa oó' bara harmagáhh nee bara hót ar adoodá' aníng ni slaa', nee tidá' aníng ni slaa' bara tléhh, nee kaahir'eé' bara ót nee hara'ayar'eene, ar adoodá' sagadiyusmooeé' Daudi aa tleéhh, daqaní aníng nee kuúng a dinkwa. Aníng waawuti'iimarók a gawdeés adór ar Daudi ngira gawdeés nee múk Israeli ngu kuúngií haniís.

1 WAAWITÁ 11:4

Qoomár iwa dín, /ameenaarós tidá' guri hhitiín, munguaá hatlá giri sagadiyuús, tam muunaáwós iri inkihhimu wasleés dír AAKOÓ MUNGÚ, Munguúwose, adoodár baabuúwós Daudi gaa eehariiká.

1 WAAWITÁ 3:14

Kuúng kangw'eé' bar ugwa ya/aán nee kaahir'eé' kari ót, nee hara'ayar'eene adór baabuúwók Daudi ira hoót, daqaní án slafiingók ngu tleereés.»

DABE 6:18

Gár AAKOÓ MUNGÚ gu sla'atamis na tleehhaak, daqaní kuungá' diihhooa a sleerá'. Kuungá' daqaní yaamuudá' hhoohhoo' AAKOÓ MUNGÚ aa lo'ór wa /aáy dír baabi'iihúng i ala'.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

Efeso 6:1

Kuungá' ná/ii, xwaylitérhúng iialooeemisaak ar baraá Aako. Gaarí an gár hariím.

Rumi 7:12

Gawaá adoorihe dabe ka hhoohhoo', nee hara'aya sleeme ka hhoohhoo', slám i ganá' nee ka hhoo'.

WARA'AMI 119:128

Adoorihe an hoót ar hara'ayarók, lohdaá al/ayma i waák.

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

2 WAAWITÁ 12:3

Tam adoorihe kiteeridaá munguaá hatlá' awa gawaá gongoama' kaa fee/iiká nee muu ina kumiít ilahhooár muruú ta tsu/i hanmisuwo nee mooyángw tsuú' kuwa da/aa/an gawaá gongoama.

2 WAAWITÁ 14:3

Amasia hhooeema gina tleéhh dír geeraá AAKOÓ MUNGUHE, ala adór baabuúwós Daudi gaa ayká. Inós adór aa tleéhh a har adoodár baabuúwós Yoashi.

ISAYA 38:3

iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.