2 WAAWITÁ 17:3 - Biblía Axweesantá Hhohho' ar Mungú 2004

³ Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

2 WAAWITÁ 17:3 Iomraidhean Croise

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

2 WAAWITÁ 15:19

Naagáy Pulu waawutmoó Ashuru yaamaá Israeli giri i haraatláy. Nee Menahemu kilór mibeera tám nee tsiyáhh ar peésa gari haniís dír waawutmoó Ashuru nguwa alee/iisi waawuti'iimarós ngiwa gawdeesi baraá yaamaá Israeliro.

2 WAAWITÁ 15:20

Menahemu daqaare gana /uurutimís ohmér shekeéli mibeeri kooán ar peesa ngiwa haniisiya' umuúqo heewo. Aluuwo Pulu aa hootiiká baraá yaamaá Israeliro, ina baraá ayaawós kií/.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 17:2

Inós tlakweema gina tleéhh dír geeraá AAKOÓ MUNGUHE, ala tlakweemawo adoodár waawitaáduú Israeli dirose aa giirin gaa ayká.

2 WAAWITÁ 17:4

Ala qoomarka wake Hoshea afo gana ya/aáw amór waawutmo So oo Misri as alee/isaay nguwa firin. Inós ohme hanimisuwo gari sií' dír waawutmo Shalmanesa oo Ashuru, adoodár /iisí umuú kurko i tlehhaahhiti. Shalmanesa adoorí ngiwa ár, Hoshea guri óh, guri tseék ar piíngu guri dahaás baraá doó tseegamo.

2 WAAWITÁ 18:31

Kuungá' Hesekia mu iiárií qamimara', asma waawutmoó Ashuru i kaahi, ‹Kuungá' wayda koomaak dir'eé' wa ale, ti hanise' gawaá dabaeé'. Daqaní dír kuungae umuú heewo mamaá sabiíbuuwós gi /aay kilós alé, nee mamaá /aantsírós gi /aay, nee ma'aá hhalaangós gi wahán,

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

ISAYA 17:4

«Baalaadae xirfuú múk Yakobo i qwaar, nee slaqooín kudá' naa wahhdiitiye' i faakiyá'.

ISAYA 8:8

Wakusmo nin gaanslár dah baraá yaamaá Yuda, yaamuudá' gi dalaa/ adór ma'aá yaaér Eufrate, kudá' yaamu ngi almilala/amiitá', inós hhampi'iiwós birnga gweér yaamuuwók sleémeero ngin tuuntukiyá', aá Imanueli.»

ESEKIELI 23:5

Ala tam Oholiba a harer'eene, inós ina kumít fuqto, nee sla'aaruuseerós tidár yaamá Ashuru gana ilatleerús.

HOSEA 10:14

Gawaá adoorihe slaqwaruuse ni haratleér amór mukók, nee maraywók kudá' koo/i gawden kiri yaamií hhaaf, adoodá' Shalmani Beti-arbeli ngira yaamií hhaáf bál slaqwaraaro, ín aayo kiri nakaa/arúy dinkwa nee na/ii'ine.

HOSEA 10:4

Gaa a boqoondaá tawo kin axwees. Al'axweesantá lama kan oín. Gawaá adoorihe sakwasleema a adór xa'anoó tsu/uút, oo baraá hha'aá qaymo.

HOSEA 8:10

Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.