2 WAAWITÁ 17:2 - Biblía Axweesantá Hhohho' ar Mungú 2004

² Inós tlakweema gina tleéhh dír geeraá AAKOÓ MUNGUHE, ala tlakweemawo adoodár waawitaáduú Israeli dirose aa giirin gaa ayká.

2 WAAWITÁ 17:2 Iomraidhean Croise

1 WAAWITÁ 16:25

Omri tlehhma'aá tlakw gina tleéhh dír geeraá AAKOÓ MUNGUHE, tlehhma'aá tlakw gina tleéhh waawituú hatlá' sleémeero kudá' aa giirin ba/a.

1 WAAWITÁ 16:30

Ahabu garmoó Omri tlehhma'aá tlakw gina tleéhh geeraá AAKOÓ Munguhe ta waawitá sleémeero kudá' aa giirini.

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

2 WAAWITÁ 13:11

Yehoashi sleeme tlakweema gina tleéhh dír geeraá AAKOÓ MUNGUHE nee loohidár Yeroboamu garmoó Nebati gana eehár, kudá' múk Israeli gwa qwaarees.

2 WAAWITÁ 13:2

Inós tlakweema gina tleéhh geeraá AAKOÓ MUNGUHE adoodár Yeroboamu garmoó Nebati, kudá' múk Israeli gwa baraá tlakweemáy dahaas, Yehoahasi tlehhmi'iiká' tlakw tlehhtuuwo gaa mayká.

2 WAAWITÁ 15:18

Inós tlakweema giri tleéhh dír geeraá AAKOÓ MUNGUHE de'emaá waawuti'iimarose, slám tlakweemadá' Yeroboamu garmoó Nebati aa tlehhiít, inós sleeme gina aleealuús, kudá' múk Israeli nguwa baraá tlakweemáy dahaás.

2 WAAWITÁ 15:24

Inós tlakweema gina tleéhh dír geeraá AAKOÓ MUNGUHE, inós tlakweemaadá' Yeroboamu garmoó Nebati aa tleéhh gaa mayká, kudá' múk Israeli nguwa baraá tlakweemáy dahaás.

2 WAAWITÁ 15:9

Inós aqo adór waawitaádá' giirin aa tleéhh gana tleéhh, tlakweema giri tleéhh dír geeraá AAKOÓ MUNGUHE. Tlehhma'aá Yeroboamu garmoó Nebati aa tleéhh gina tleéhh kudá' múk Israeli gwaa baraá tlakweemáy dahaas.

2 WAAWITÁ 17:1

Kurkú mibaá nee tsár oo waawuti'iimár Ahasi oo Yuda Hoshea garmoó Ela waawuti'iima gana iimu/ún baraá Israeliro. Inós baraá waawuti'iimaro kureeri ngaa /aáy a gwaleél baraá gixsár Samariaro.

2 WAAWITÁ 17:3

Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

2 WAAWITÁ 21:2

Inós muruú tlákw guna tlehhiít dír geeraá AAKOÓ MUNGUHE ar tlehhma'aá tlakw awa xoordaá hatlá' kiwa aleealuusi, kudá' AAKOÓ MUNGÚ aa guús geeraá xoorór Israeli wa ale, qoomár inooín iwa darahiya' baraá yaamuudá'.

2 WAAWITÁ 3:2

Yoram tlakweema gina tleéhh dír geeraá AAKOÓ MUNGUHE, ala inós tlakweemawo dír baabá nee aayoorós gaa ayká, asma inós uheemi Ba'ali taa tleéhh nee baabuúwós gina feé/.