2 WAAWITÁ 16:3 - Biblía Axweesantá Hhohho' ar Mungú 2004

³ Ala inós tlehhma'aá waawituú Israeli gina eehár. Inós sleeme tam na/aywós guna ilahhooár da/tá wa haniís. Inós tleehhmuudá' ta waki oo xoordá hatlaá' kudá' AAKOÓ MUNGÚ aa guús geeraá múk Israelír wa ale guna tleéhh.

2 WAAWITÁ 16:3 Iomraidhean Croise

1 WAAWITÁ 14:24

Gár ló'wa tlaakw a tí, hhawaate nina fuquusiyé' nee hhawaataá hatlá' baraá Doó Munguhe. Tlehhma'aá hatlá' awa Mungú i waki ngina tleehhiyé', adoodá' xoordaá hatlá' ta tlehhahhiti, kudá' AAKOÓ MUNGÚ aa guús baraá yaamuudá' wa ale, dír geeraá múk Israeli.

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

2 WAAWITÁ 17:17

Na/ii'ín awa daaqaay nee awa dasuwo ngina ilahhooár da/tá wa hanmiisiyé' dír munguaá lama, inooín dír qwaslaare nee da/aluuse ngina kakayé' as kiwa yaahamiisi kángw hotaaine. Inooín tina ló'wa haniisiyé' baraá tlakweema, dír geeraá AAKOÓ MUNGUHE, gawaá adoorihe, AAKOÓ MUNGÚ nguri buhhtisiyé'.

2 WAAWITÁ 17:19

Tam múk Yuda hara'ayár AAKOÓ MUNGÚ, Munguúín, ngaa iialoesi'iiká, inooín slooidár xoordaá hatlá', tidá' tinda huúw nee múk Israeli ngina oohiyé'.

2 WAAWITÁ 17:8

slooír xoordaá hatlá' ngiri eehariyé', kudá' aáng AAKOÓ MUNGÚ aa guús geeraaín wa ale, nee tlehhmi'iidaá waawituú Israeli aa tlehhiít dír múk yaamuudá' wa aleeró ngiri aleealuusiyé'.

2 WAAWITÁ 21:11

«Asma waawutmo Manase muruú buhhtamís guna tleéhh tam xoorór múk Amori ba/a, tidá' baraadá' i dirii', nee inós múk Yuda guri baraá tlakweemií dahaás ar murslaaqatuudá' aa tleéhh,

2 WAAWITÁ 21:2

Inós muruú tlákw guna tlehhiít dír geeraá AAKOÓ MUNGUHE ar tlehhma'aá tlakw awa xoordaá hatlá' kiwa aleealuusi, kudá' AAKOÓ MUNGÚ aa guús geeraá xoorór Israeli wa ale, qoomár inooín iwa darahiya' baraá yaamuudá'.

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

2 WAAWITÁ 21:9

Ala inooín tí nga iiárií qaasi'iiká, Manase inooín giri dahaás baraá tlakweemaá yaariir tam kudaá xoorduudá' AAKOÓ MUNGÚ aa hhaamiís geeraá Israeli wa aleeró ba/a.

2 WAAWITÁ 23:10

Waawutmo Yosia Tofeti gari meeta gaás, tidár baraá xatstá daaqoó Hinomu, as hee garmaawós laqaá dasiirós mingiwa baraá xátstí daá/ tawa ilahhooár munguú ta bay Moloki.

2 WAAWITÁ 8:18

Inós loohidá' tlaakw ar waawituú Israeli gana eehár, adór hhay Ahabu aa tléhh gana tleéhh, asma hareerós an dasír Ahabu. Inós muruú tlákw guna tlehhiít dír geeraá AAKOÓ MUNGUHE.

2 QOM'I 22:3

Ahasia ina hoót ar adoodá' doó Ahabuwo tara hoót, asma ságw aayoorós guna /aáy tlakweema tlehhtuuwo.

2 QOM'I 33:2

Inós tlehhma'aá tlakw gina tleéhh dír geeraá AAKOÓ MUNGUHE, tlehhmi'iidá' ta waki, awa adór kudaá mukdá' AAKOÓ MUNGÚ aa guús geeraá múk Israeli wa ale.

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

ISAYA 57:5

Kuungaásingá' ilatleeri na al'ot baraá xaa'aá ti'itú wa ale, dír qo umuú qamuú xa'anoó loo/o naa/e. Kuungaásá na/iihúng tsu/á' baraá xatsoó wa ale, ngiri ilahhooár wa hanmisá' baraá mar'ór tla/ú wa ale.

YEREMIA 32:35

Kitángw ilahhooa oo munguú ta bay Ba'ali nguna tleehhiyé' baraá xatstá garmoó Hinomu, as ilahhooár na/aá dasu nee awa daaqaay kawa hanmiisi dír munguúdá' ta bay Moleki, tam inooín aníng iga ádbawiikahe, nee gaarí aga inslawiiká. Inooín muruuwí ta waki nguna tleehhiyé', tam múk Yuda nguri dahaasiyé' baraá tlakweema.»

ESEKIELI 16:21

Xáy, kaangwí na/iieé' kiwa tsu/ as tawa ilahhooár da/a dír slaqsi'iiwók, aqo gár niináwe?

ESEKIELI 16:47

Kiíng naa dír lohduuín ngaa harki/ká eeharahaduwo, laqaá naa qoomoó slasla/aruín harki/ká. Har afiqoomár niinawe kiíng ana ló'wa hhiturút ta ak inooine baraá tlehhmi'iiwók sleémeero.

ESEKIELI 20:26

Aníng ina máw as na/ii'ín awa baris ngiwa hanmiisiya' ilahhooár wa ale, dír slaqsi'iidaá munguaá hatlá'. Gaarí an slahhtaín ar dae tlaaq, as aníng iwa tsaahhiya' adór tar AAKOÓ MUNGÚ.

ESEKIELI 20:31

Barnaxes kuungá' aga kumité' ilahhooa hanmisuwo, nee na/iihúng kiwa da/a/aanda' ar asla, tin meetagaamisá' tam ay laarí. Xáy, kuungá' aníng iqo gurbu'útí lehhá'a, kuungaákaá múk Israeli? Ala anuú Aakoó MUNGÚ adoodá' nir hotaatima, lo'o aga /aáy, aníng a ya/aamaaká iwa gurbu'útí lehha'.

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

MIKA 6:7

Xáy, AAKOÓ MUNGÚ gwaandaawér kume gu sla'atísa? Laqaá ku sla'atísi nee di/oó wa/amiím adór ya'aá kumér mibaangw? Laqaá na/ay'eé' oo baris un haniísa as dakuúsar'eé'? Xwaylár slaqwte'eé' an haniísa as bu'utuú tlakweemaaeé'?»

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.

DABE 18:10

Baraá tla/angwhunge hee tumu wák miwa deeruút, heé na/aywós oo garma, laqaá oo dasi gu baraá ásltár ohís as nguwa ilahhooár wa haniisi, laqaá heé tlaa/aá xuaaiím, laqaá heé tu/u/uúm, laqaá oo isaá araa'ár,