2 WAAWITÁ 13:1 - Biblía Axweesantá Hhohho' ar Mungú 2004

¹ Kurkú mibeeri tsár nee tám oo waawuti'iimár Yoashi waawutmoó Yuda, Yehoahasi garmoó Yehu waawuti'iima gana iimu/ún baraá yaamaá Israeliro amór gixsár Samaria. Inós kureeri ngaa /aáy baraá waawuti'iimaro a mibaá nee faanqw.

2 WAAWITÁ 13:1 Iomraidhean Croise

2 WAAWITÁ 10:30

AAKOÓ MUNGÚ Yehu guri báy, «Adoodá' ni slaa' tleehhamoro dír xwaylár Ahabu sleémeero aga tléhh. Gawaá adoorihe, aníng al'axweesante'eé' ngin dirógí oó' nee dír xwaylarók, múk Israeli u sawaawuti'iindá' ay qartá tsiyáhh.»

2 WAAWITÁ 11:21

Yoashi waawuti'iima ngiwa iimu/ún kureeriiwós a faanqw.

2 WAAWITÁ 11:4

Ala kurkú faanqw iwa xáy Yehoyada muu guri ya/aáw amór geeraharuuseedár slaqwaruuse nee amór hhay Kari, nee amór xuumuuse, gari ateét baraá doó AAKOÓ MUNGÚ, gari lo'ór /aymiís baraá doó AAKOÓ MUNGÚ wa ale, Yoashi garmaaduú waawutmo Ahasia guri laqán dir'íní ale.

2 WAAWITÁ 12:1

Kurkú faanqw oo waawuti'iimár Yehu oo Israeli Yoashi waawuti'iima gana iimu/ún baraá yaamaá Yudawo amór Yerusalemu. Inós baraá waawuti'iimaro kureeri ngaa /aáy a mibeeri tsiyáhh. Umuú aayoorós a Sibia ar yaamaá Be'er-sheba.

2 WAAWITÁ 12:21

Sagadiyuuseerós tidá' gwaa gas an ín Yosakari garmoó Shimeati, nee Yehosabadi garmoó Shomeri kuduú sagadiyusmoowós. Nguri fooliyé' baraá /antaá waawitá kudaá baraá gixsár Daudi. Garmaawós Amasia iri waawuti'ín kitaangós wa aleeró.

2 WAAWITÁ 13:10

Kurkú mibeeri tám nee faanqw oo waawuti'iimár Yoashi oo Yuda, Yehoashi garmoó Yehoahasi, waawuti'iima gana iimu/ún baraá Israeliro, amór Samaria. Inós baraá waawuti'iimaro kureeri ngaa /aáy a mibaá nee lahhoó'.

2 WAAWITÁ 13:2

Inós tlakweema gina tleéhh geeraá AAKOÓ MUNGUHE adoodár Yeroboamu garmoó Nebati, kudá' múk Israeli gwa baraá tlakweemáy dahaas, Yehoahasi tlehhmi'iiká' tlakw tlehhtuuwo gaa mayká.

2 WAAWITÁ 15:12

Naagáy adoorí ina tleehharút as al'axweesantadá' AAKOÓ MUNGÚ aa oó' dír Yehu iwa bo/, tidá' iwa káh, «Xwaylarók i waawuti'iín ay nángw tsiyáhh.»

2 WAAWITÁ 8:26

Ahasia waawuti'iima ngiwa iimu/ún kureeriiwós a mibeeri tsár nee tsár. Inós kuru ngwa /aáy wak baraá waawuti'iimaro, baraá Yerusalemuro. Aayoorós a Atalia, hát naangór waawutmo Omri oo Israeli.