2 WAAWITÁ 11:2 - Biblía Axweesantá Hhohho' ar Mungú 2004

² Ala Yehosheba dasír waawutmo Yehoramu hho'ór Ahasia, Yoashi garmoó Ahasia guri fís tla/ángw na/aá waawutmowo, kudá' taa ístí tsaát tsu/utaro. Inós nee na/oó umtooro giri lú/ baraá doó qata, as Atalia mingiwa aán, Yoashi iri /úy.

2 WAAWITÁ 11:2 Iomraidhean Croise

1 WAAWITÁ 11:17

Ala Hadadi, qoomaadae a garmoó niiná, iri /akuút ay yaamaá Misri dinkwa nee sagadiyuusér doó baabuúwós tidár múk Edomu.

1 WAAWITÁ 6:10

Kutuwaay guna tlehhahhiít bihhér do' sleémeerowo, umuúqo qoroófaro gawa kemuuwo a miíta tsár nee gár niina. Kutuwaydá' guri haragaás baraá do' ar waqasuú sahhta.

1 WAAWITÁ 6:8

Afér kutuwayduú baraay kana tleéhh baraá koo/ír do' bihhaá basa, baraá guruudae tsa/a/amto i deer ar tar tsa/a/an amór qoroófár geera nee ar alhhe'eesáy.

2 WAAWITÁ 11:21

Yoashi waawuti'iima ngiwa iimu/ún kureeriiwós a faanqw.

2 WAAWITÁ 11:3

Yoashi nee inós tana alhoót baraá doó AAKOÓ MUNGÚ wa ale kudá' kway luú/ kureeri lahhoó'. Qoomaarihe Atalia a waawuto'ór yaamu.

2 WAAWITÁ 12:1

Kurkú faanqw oo waawuti'iimár Yehu oo Israeli Yoashi waawuti'iima gana iimu/ún baraá yaamaá Yudawo amór Yerusalemu. Inós baraá waawuti'iimaro kureeri ngaa /aáy a mibeeri tsiyáhh. Umuú aayoorós a Sibia ar yaamaá Be'er-sheba.

2 WAAWITÁ 8:16

Kurkú kooán oo waawuti'iimár Yoram garmoó Ahabu, waawutmoó Israeli, Yehoramu garmoó Yehoshafati waawutmoó múk Yuda waawuti'iima gana iimu/ún.

2 WAAWITÁ 8:19

Ala AAKOÓ MUNGÚ múk Yuda qwaareesaro gwaa slaiiká as sagadiyusmoowós Daudi, asma gaa qaroó alqadín doó Daudi iwa waawuti'in ay alhhe'eesay wasle.

1 QOM'I 3:11

Yehoshafati ina laqwaál Yehoramu, Yehoramu ina laqwaál Ahasia, nee Ahasia ina laqwaál Yoashi,

2 QOM'I 22:11

Ala Yehosheba dasír waawutmo Yehoramu Yoashi garmoó Ahasia guna ar tleér, guna fís qoomár tawa na/aá waawutmoó tsu/i. Yehosheba dasír waawutmo Yehoramu Yoashi guri lú/ dinkwa nee umtuso'oorós baraá kutuwír qata. Gawaá adoorihe Yehosheba dasír waawutmo Yehoramu, harér kaahamusmo Yehoyada, as tawa hho'ór waawutmo Ahasia, Yoashi guri lú/ as mukuwa gaás nee Atalia.

TI'INAANGW 8:3

Nee yaaér Nili iri háts aamaxupaaro, iri dát baraá do'ók kuduú waawuti'iima, ay baraá kutuwirók nee gawaá qatanirók, ay baraá maraá geeraharuuseerók, nee maraá mukók, nee gawaá slaqwaá mukók, baraá tla/afi gan aletsát ay baraá xooslaá huuriingw, ay baraá puurú.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

YEREMIA 33:17

Asma anuú AAKOÓ MUNGÚ a kah, ‹Heé múk Israeli gu sawaawuti'iím baraá xwaylár Daudiwo i qwaariiká.

YEREMIA 33:21

daqaní alqadoodá' aníng naa tleéhh dír sagadiyusmooeé' Daudi sleeme hhitiimaro a aleesleér, tam na/oó kitaangós gu sawaawuti'iím iri qwaar, nee sleeme alqadoodá' naa tleéhh nee sagadiyuuser'eé' tidár kaahamuusér tlahhoó Laáwi.

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

YEREMIA 35:2

«Tláw dír múk gurú doó Rekabu, axweés nee múk do'odá'. Daqaní mukdá' ngu húp baraá doó AAKOÓ MUNGÚ, baraá kutuwír wák, ki difaáír i hanís, ka wahi.»

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

ESEKIELI 40:45

Heedaádá' aníng iri báy, «Kutuwirí baskú ga/aw ar kaahamuusér Mungú, tidá' gadiyuus dír Doó Mungú wa ale.

HAR'OHUUSE 9:5

Nee inooín tiri alkoné' ay Ofra amór doó baabuúwós. Amoodae hhaeewós daaqoó Gideoni, kudaá mibeeraá faanqw, giri tsuú/ gawaá tlaa/ár wák. Ala Yotam, aluutamoó Gideoni ina /úy, asma ina nahhaát.