2 WAAWITÁ 11:1 - Biblía Axweesantá Hhohho' ar Mungú 2004

¹ Atalia aayór waawutmo Ahasia kaangwí nguwa axás adór na/aywós kura gaás, inós iri tleér na/aá doó waawutmo sleémeero giri hhaamis.

2 WAAWITÁ 11:1 Iomraidhean Croise

IIMU/UUNGW 9:5

Aníng tseererhúng a li/aay buú'. Hee bar hee ngwa gaás, aníng heedá' u gaás sleeme. Laqaá tam makiito'o hee burngwa gás, aníng inós a gaás sleeme.

IIMU/UUNGW 9:6

Heé tseerér hee gaa ku'uus, tseereerós sleeme kan ku'uus nee hee, asma Mungú hee guna tleéhh ar slaqsaywós.»

1 WAAWITÁ 1:12

Gimáy, án garka ngi oó', iia qaaseek as kiíng nee garmaawók Solomon tawa tu/uta'.

1 WAAWITÁ 2:44

Waawutmo Solomon Shimei guri male báy, «Tlakweemaá baraá muunaáwók i insleéra kudá' taa tléhh dír baabuúeé' Daudi, gawaá adoorihe AAKOÓ MUNGÚ tlakweemaadá' ngi gawaawók i buu'.

2 WAAWITÁ 10:36

Yehu Israeli ngiwa sawaawuti'ín baraá Samariár wa ale a kureeri mibeeri tsár nee dakaát.

2 WAAWITÁ 10:7

Naagáy mukdá' urén oo gixsa barwito'oodá' ngiwa slayé', daaqaydá' mibeeri faanqw oo waawutmo kuri uhín kuri ise tlaáq sleémeerowo. Sageedá' kari qaás baraá lakwaantáy, kari huúw amór Yehu kuduú Yesre'elír i dirií'.

2 WAAWITÁ 12:1

Kurkú faanqw oo waawuti'iimár Yehu oo Israeli Yoashi waawuti'iima gana iimu/ún baraá yaamaá Yudawo amór Yerusalemu. Inós baraá waawuti'iimaro kureeri ngaa /aáy a mibeeri tsiyáhh. Umuú aayoorós a Sibia ar yaamaá Be'er-sheba.

2 WAAWITÁ 25:25

Qoomár slahhángw faanqwe Ishmaeli garmoó Netania, nángw naangó Elishama, kuduú tlahhoó waawutmo, ina amór Gedalia káy inós dinkwa nee múk mibaangw, Gedalia nguri muxiyé', ngway gaasiyé'. Inós sleeme múk Yahudi nee oo Kaldayo kudá' baraá Mispárí dirií' guri tsuú/.

2 WAAWITÁ 8:26

Ahasia waawuti'iima ngiwa iimu/ún kureeriiwós a mibeeri tsár nee tsár. Inós kuru ngwa /aáy wak baraá waawuti'iimaro, baraá Yerusalemuro. Aayoorós a Atalia, hát naangór waawutmo Omri oo Israeli.

2 WAAWITÁ 9:27

Waawutmo Ahasia oo Yuda ngiwa ár, tidá' aa tleehharut iri goów amór gixsár Bet-hagan, amooqae kungu alkón nee Yehu. Yehu mukós guri báy, «Inós sleeme tsaxaaraak.» Inooín nguri gaárirós i tsaxaariyé', qoomár iwa dír waatsarár loohír Gurír kaw, nee iisaapoó gixsár Ibleamu. Iri kumiít ti'iingo iri Megido i gwa'arár áy.

2 QOM'I 24:7

Asma daaqoó Atalia, /ameenidá' tlaakw, Doó Mungú nguna fee/iyé' niri dahiyé', nee xooslár hhohho' ar Doó AAKOÓ MUNGÚ ngiri huwiyé' baraá doó munguúdá' ta bay Ba'ali.

YEREMIA 41:1

Qoomár slahhángw faanqwe Ishmaeli garmoó Netania garmoó Elishama, kuduú xwaylár doó waawutmo, heé wák baraá tla/ángw geeraharuusedár uren ar waawutmo, nee múk mibaangw tari altláy ay baraá yaamaá Mispa, tari hardáh dír Gedalia garmoó Ahikamu. Qoomár tawa al/ayin baraadaá Misparo,

Matayo 2:13

alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

HAR'OHUUSE 9:5

Nee inooín tiri alkoné' ay Ofra amór doó baabuúwós. Amoodae hhaeewós daaqoó Gideoni, kudaá mibeeraá faanqw, giri tsuú/ gawaá tlaa/ár wák. Ala Yotam, aluutamoó Gideoni ina /úy, asma ina nahhaát.