2 WAAWITÁ 1:9 - Biblía Axweesantá Hhohho' ar Mungú 2004

⁹ Waawutmo geeraharusmoó slaqwaruuse guri ya/aáw nee múk mibeeri kooán as Eliya nguwa leehhiya'. Geeraharusmoowí oo slaqwaruuse iwa hardáh, Eliya aa iwiít gawaá tlooma, guri báy, «Xáy, kuúng heé Mungú, waawutmo ina oó', ‹Aweeráng.› »

2 WAAWITÁ 1:9 Iomraidhean Croise

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 18:10

Gám adór AAKOÓ MUNGÚ, Munguúwók ir hotaatina, waawutmo kuúng una leelehhiít baraá xoordu sleémeero nee baraá waawuti'iima sleémeero ar aa máy i káhh. Tam qoomár burkwa báy, ‹Ayaarene i kaahh,› Ahabu xooroodá' gan lo'ór /aymiis ar kuúng tuwa ariiká.

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

1 WAAWITÁ 18:42

Naagáy Ahabu iri tláy, /ayma nee wahaangw giri áy. Eliya iri tsa/án gawaá tloomár Karmeli nee iri xupuú' ay yaamu, gitsee/aawós giri dahaás baraá baraatla/ángw ya'aawós.

1 WAAWITÁ 19:2

Naagáy Yesebeli harér Ahabu afo gari ya/áb amór Eliya, guri beér, «Mungui aníng i gaasiye' barnaxes slafiingók bura qo adór kuduú aaruuse tleehhiiká matlo siiwár adór tihe.»

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

2 WAAWITÁ 2:25

Elisha aaiiwose iri kumiít ay tloomár Karmeli, niri amoodá' wa kií/ ay yaamaá Samaria.

2 WAAWITÁ 4:25

Naagáy iri tleér ay amór tloomár Karmeli, amoodá' heé Mungú i dirii'i. Heedaáduú Mungú ngiwa ár iwa hi'it, sagadiyusmoowós Gehasi guri báy, «Qaytsiít, /ameenidár Shunemu aga ár i hi'ít,

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

AMOS 7:12

Naagáy Amasia, Amos guri báy, «Aá iigu'utusámo, quútl, tláw ay baraá yaamaá Yuda, muruú /ayma ku amoodá' wa /ák, nee ta aaririín amoodá' wa ale.

Matayo 14:3

Asma aáng Herode Yohane guna óh guri tseék, guri dahaás baraá doó tseegamo as Herodia, harér Filipo hhiyoó Herode.

Matayo 26:68

tari káh, «Aá Krísto, atén i ooang, heé kuúng ugwa muux a heemá?»

Matayo 27:29

Slamángw laqaya' kuri tlaatlaáw, kuri dahaás gawaá sagós. Daai kari haniís dákw doó /iyáy i alé. Tari tseeamín geeraawós wa aleeró kuwa niqimisi, tari káh, «Waawutmoó múk Yahudi, laawaay.»

Marko 15:29

Múk yaamuudae waraáhh Yesu guri tloqmiís, ta hara sager'ín muumukuumiis, ta kaahi, «Aháeéy, kuúngudá' Doó Mungú gu feé/, kway tléhh baraá deelo tám i alé,

Marko 15:32

Kristo, Waawutmoó múk Israeli, daxta ni aweeri gawaá msalaábaro, atén ku araán, daqaní u haratlintiaán.» Tam mukdá' nee inós taa alkikií' sleeme kuri tloqmiís.

Luka 9:54

Eeharuuseerós Yakobo nee Yohane adoorí kawa ár, kuna báy, «Aáko, a slá'a asla kawa ateetaan, niwa gawaá doorí wa /et, as mukwí nguwa qwaares.»

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.

1 SAMUELI 19:21

Kaangwí kuwa oó' dír Saulo, ya/abuusér hatlá' gana male ya/aáw ki/imaá tsare, kuká' niri male aariiriné'. Saulo ya/abuuse gari male ya/aáw sagaáwa tame, kuká' niri aariiriné'.