2 WAAWITÁ 1:8 - Biblía Axweesantá Hhohho' ar Mungú 2004

⁸ Inooín tari oó', «Heedaádá' hiyoó se'éngw koóm guna dahaás, nee himuú kaahari i gawaá afeetlaawós.» Waawutmo iri oó', «Heesíng xaa a Eliya kuduú Tishbe.»

2 WAAWITÁ 1:8 Iomraidhean Croise

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

2 WAAWITÁ 1:7

Waawutmo inooín giri báy, «Ahaá heesíng a heemá, nee a heé adoomá oo nee kuungá' taa doge' nuri kangwsíng báy?»

ISAYA 20:2

qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo.

SEKARIA 13:4

Baalaadár kilae umuúqo aarusmoowo iigu'utuwós gun murér wa ar, tam hiyaydá' se'éngw koóm nguri mayá' dahamisuwo as muu mukuwa malé al/agín.

Matayo 11:8

Bar gitsoorooká, ala a milá? A heé inqwaruú hhohhó' gu tsitatíta? Ala baré múk inqwaruú hhohhó' gu tsitatiít i baraá maraá waawitá.

Matayo 3:4

Yohane tlawuú aa tsiít kuna tleéhh ar se'éngw angamía, nee afetloowós a himuú kaahari, nee muruú /aymaarós a ingigi nee danuú darma.

Marko 1:6

Tsitoó Yohane kuna tleéhh ar se'éngw angamía, nee afeetloowós a himú kaahari, nee muruú /aymaarós a ingigi nee danú sla/a.

Luka 1:17

Inós in geeraá Aakoó wa hi'iit ar muunuú adór kuduú Eliya nee /uuruuwós, as munér baabi'i ngiwa warqeesi iwa amór na/ií ki/, nee mukdá' iiawaslén nguwa fuqurángw hotaá ganaa'á' i slay, as múk Aako nguwa geerií amohhe'eesi.»

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»