2 WAAWITÁ 1:3 - Biblía Axweesantá Hhohho' ar Mungú 2004

³ Ala malaykamoó AAKOÓ MUNGÚ aarusmo Eliya oo Tishbe guri báy, «Tláw ti doge' nee mukdaádá' taa ya/aáw nguwa yaahasi, ‹Ahaá waáy, gár tas Ba'alsebubu, munguú gixsár Ekroni yaahasár eera', asma Mungú in káhhi baraá yaamaá Israeliro?› »

2 WAAWITÁ 1:3 Iomraidhean Croise

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

1 WAAWITÁ 18:1

Alaá deelór yaariir iwa waaráhh ar har afiqoomár kureeraá tám awa giyeé, Eliya axweesantá AAKOÓ MUNGÚ gana axaás iwa kat, «Tláw ti geehhooes dír waawutmo Ahabu, daqaní aníng tluwaay ngu haniís baraá yaamu.»

1 WAAWITÁ 18:36

Qoomár ilahhooár tsiindo haniisaro iwa xeér, aarusmo Eliya ina tseewúy dír kitangwdá', iri firín, «Aá AAKOÓ MUNGÚ, Munguú Abrahamu, nee Isaka nee Israeli, laarí i xu'utit adór kuúng tar Munguú Israeli, nee adór aníng tar sagadiyusmoowók, nee adór án muruuwí sleémeero ngura tleehh ar adoodá' kuúng ngira ó'.

1 WAAWITÁ 19:5

Inós iri qaát dír gamuú xa'anoó retemu, gu'ute guri ót. Naxés malaykamoó AAKOÓ MUNGÚ guri kwatiít guri báy, «Tlawáng, qwaláng /ayiím.»

1 WAAWITÁ 19:7

Malaykamoó AAKOÓ MUNGÚ guri male tleés, guri báy, «Tlawáng, qwaláng /ayiím, asma aaiiká' ki male tleer diroge.»

1 WAAWITÁ 21:17

Naagáy aarusmo Eliya, heé Tishbe, axweesantá AAKOÓ MUNGÚ gari axaás, i kat,

2 WAAWITÁ 1:2

Ahasia iwa Samariár i dirii'i ina /eét gawaá daárír do'ós wa alé, tiri ló'wa hariiáy. Inós muu guri ya/aáw, guri báy, «Tlawsé' Ba'alsebubu yaahasare', munguú gixsár Ekroni, axáy a hunguú/a tiqtirihe.»

2 WAAWITÁ 1:6

Inooín tari oó', «Atén tina doogaán nee heeko tiri báy, ‹Ki/é' amór waawutmoohúng, kudá' kuungá' naa ya/aaw, ku beera', AAKOÓ MUNGÚ i kaahi, ahaá waáy gár muu kusa ya/áp amór Ba'alsebubu, munguú gixsár Ekroni? Asma Mungú in káhhi baraá yaamaá Israeliro? Gám a awedká gawaá qatanisíng ti qati, looeemawo kuúng a gwá'.› »

2 WAAWITÁ 1:8

Inooín tari oó', «Heedaádá' hiyoó se'éngw koóm guna dahaás, nee himuú kaahari i gawaá afeetlaawós.» Waawutmo iri oó', «Heesíng xaa a Eliya kuduú Tishbe.»

2 WAAWITÁ 5:15

Inós dinkwa nee sagadiyuuseerós niri ki/iyé' dír heedaáduú Mungú, iri oó', «Hám daxta aníng aga xuú' Mungú i kaahh baraá xoordu sleémeero, aqo Munguú Israeli. Gimáy daxta na'ás qeemuú sagadiyusmoowók ya/aameek.»

2 WAAWITÁ 5:8

Elisha heé Mungú adoorí ngiwa axaás, adór waawutmo tlabaawós ngira feehhamiís, afo gari ya/aáw amór waawutmo guri yaahaás, «Ahaá a milá, tlabaawók misa feehhamís? Heesíng amor'eénií huwang, as daqaní ngiwa tsaahhi adór baraá yaamaá Israeliro aarusmo ir deér.»

WARA'AMI 76:1

Baraá Yudawo Mungú i xu'utiit, baraá Israeliro umuuwós ku qiitliiká.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

YONA 2:8

Mukdá' munguaá hatlá' haratlintaatií', ta inkihhimuú konká diroge.

Marko 3:22

Slám intsaahhatuusér hara'ayár Mose, tidá' amór Yerusalemúr daahh ina kát, «Yesu kwaa i dáh nee neetlangwdá' úr ta bay Be'elsebuli, nee i neetlaamér duxún ar /uuruú neetlangwdá'.»

Tlehhema'aá ya/Abuuse 8:26

Malaykamoó Aako iri axweés dír Filipo, iri oó', «Sihhiít tláw bihhaá basa, ay amór loohidá' naa Yerusalémúr wa tleer ay Gasa.» Loohidá' a loohír xaanxaay.

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.