2 WAAWITÁ 1:2 - Biblía Axweesantá Hhohho' ar Mungú 2004

² Ahasia iwa Samariár i dirii'i ina /eét gawaá daárír do'ós wa alé, tiri ló'wa hariiáy. Inós muu guri ya/aáw, guri báy, «Tlawsé' Ba'alsebubu yaahasare', munguú gixsár Ekroni, axáy a hunguú/a tiqtirihe.»

2 WAAWITÁ 1:2 Iomraidhean Croise

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

1 WAAWITÁ 14:3

Mikaátér mibaangw huweek nee maandaásaywo nee dahhángw niina oo danú huweek, inós gár na/ayrén gu slaw ngi qo oo'.»

1 WAAWITÁ 22:34

Ala slaqwarusmoó wák oo Aramu mahaangw guna tawo tsaxaár baraá tla/ángw slaqwaruusér Israeli, mahangwdá' waawutmoó Israeli guri harasliqiít, didá' tlabaawós kudaá muqsla tay doogiyé' nee tlabaadá' aa da/eewór baáq. Waawutmo Ahabu iri oó' dír heedaádá' gaáridár uuruxúng madiít, «Gaári amoorí hingeesang baraá slaqwaraaro, asma aníng taa hariiáy.»

1 WAAWITÁ 22:40

Ahabu iwa gwaá', garmaawós Ahasia iri kitaangós wa waawuti'ín.

2 WAAWITÁ 1:16

Eliya waawutmo guri báy, «AAKOÓ MUNGÚ i kaahi, ‹Gár muu kusa ya/áp amór Ba'alsebubu, munguú gixsár Ekroni, a Mungú in káhhi baraá yaamaá Israeliro, kuúng a awedká gawaá qatanisinge, looeemaawo kuúng a gwá'.› »

2 WAAWITÁ 1:3

Ala malaykamoó AAKOÓ MUNGÚ aarusmo Eliya oo Tishbe guri báy, «Tláw ti doge' nee mukdaádá' taa ya/aáw nguwa yaahasi, ‹Ahaá waáy, gár tas Ba'alsebubu, munguú gixsár Ekroni yaahasár eera', asma Mungú in káhhi baraá yaamaá Israeliro?› »

2 WAAWITÁ 1:6

Inooín tari oó', «Atén tina doogaán nee heeko tiri báy, ‹Ki/é' amór waawutmoohúng, kudá' kuungá' naa ya/aaw, ku beera', AAKOÓ MUNGÚ i kaahi, ahaá waáy gár muu kusa ya/áp amór Ba'alsebubu, munguú gixsár Ekroni? Asma Mungú in káhhi baraá yaamaá Israeliro? Gám a awedká gawaá qatanisíng ti qati, looeemawo kuúng a gwá'.› »

2 WAAWITÁ 17:16

Hara'ayár AAKOÓ MUNGÚ, Munguúín sleémeero ngina si'iyé', nee murslaaqataá tsár ngiri tleehhiyé' ar slaqsa'aá damaay, as tawa munguín, slám slaqsoó munguú /ameeni kuduú Ashera nguna tleehhiyé', nee tsatse/uú doori nguri sluufmisiyé', nee Ba'ali nguri sagadiyusiyé'.

YOBU 31:3

Ahaá múk hota tlákw qatlo gu sleeraakáhe, nee mukdá' gadiyedaá tlakw ngi tlehhaahhitá' in hhana'aakáhe.

DAA'AANGW 2:9

Sla'aarusmooeé' a adór saaragi, a adór tsagnír batliito'o. Ga/aaweek, inós aa sihhiít dír bihhaá koo/irén, i pa/ángwár xumiis i amor'eéní xumiis ar pa/eeraá koo/i.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

ISAYA 2:6

Asma kuúng mukók oo Israeli ugwa sí', asma da/aluusér da/aáw daahh baraá ayaaín gwaa dalá/. Múk tlaa/aá xuú' i deer, adór múk Filisti, taa aldinku'uús nee hooma.

ISAYA 37:12

Xáy, munguiidaá xoordu, xoorduuín nga tu/ií'i qoomár baabuúeé' Gosani, nee Harani, nee Resefuwo ngiwa hhaamiís dinkwa nee múk Edeni kuduú Telasárír hoót.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Marko 3:22

Slám intsaahhatuusér hara'ayár Mose, tidá' amór Yerusalemúr daahh ina kát, «Yesu kwaa i dáh nee neetlangwdá' úr ta bay Be'elsebuli, nee i neetlaamér duxún ar /uuruú neetlangwdá'.»

Luka 11:15

Ala múk hatlá' iri oó', «I neetlaamér gusiisín ar /uuruú Neetlángw úr kudá' ta bay Be'elsebuli.»

Tlehhema'aá ya/Abuuse 20:9

Nee masoomooko wák, umuuwós ta bay Eutiko, ina iwiít gawaá dirishár i alé. Paulo axweesanto iwa kumiít, masoomoodá' iri gufmiís, gu'ute guri ar bá/, iri gawaá qoroófár tám wa /eét ay yaamu. Kuwa tleés naxés aa qaroó gwaá'.

YOSHUA 15:11

Diirihe iri /iikú xuú', gongoamaadá' Ekroniro bihhaá /iya gina ar óh, iri harweerín ay Shikroni, iri waaraáhh ar bihhaá tloomár Ba'ala, iri ti'iít ay Yabne'eli, iri hardáh ay tlawtidár Mediteranea.

HAR'OHUUSE 11:24

Ahaá aalisíng tinda haniís nee Kemoshi munguúwók i bu'utkáhe? Ala yaamu sleémeero kudá' AAKOÓ MUNGÚ, Munguúrén muu nguwa guús baraadá' wa ale, ngiri atén i haniís kuká' an daqaari'iimarén.

HAR'OHUUSE 5:28

Aayór Sisera ina pa/aángwár harqaytsít, ina harqaytsimít iwa kat, ‹Ahaá waáy gaárirós misinda tlík? Ahaá baré ka/ka/eelíngw farsuuwós naa adaá/?›

1 SAMUELI 5:10

Sandakmoó Mungú kuri huúw ay Ekroni. Aluuwo sandakmooduú Mungú iwa hardáh Ekroni, mukduú Ekroni tsimahhiro yaamu gina gaamiís, tawa kaahi, «Sandakmooduú Munguú múk Israeli kungwa ayaarén i huúw. Atén nee mukrene ti xooro qwaarees.»