2 WAAWITÁ 1:11 - Biblía Axweesantá Hhohho' ar Mungú 2004

¹¹ Waawutmo geeraharusmoó slaqwaruuseerós oo hatlá' nee múk hatlá' oo mibeeri kooán gay ya/aáw as Eliya nguwa huwiya'. Inós iri tsa/án gawaá tlooma amór Eliya, i kaahi, «Aá heé Mungú, waawutmo i kaahi, ‹Aweeráng gawaasinge ar gaanslaay.› »

2 WAAWITÁ 1:11 Iomraidhean Croise

2 WAAWITÁ 1:10

Eliya geeraharusmooduú slaqwaruusér mibeeri kooán guri báy, «Aníng bar heé Mungú, alók asla nin gawaá doorí wa /ét, kuúng nee mukók kusuú mibeeraá kooane nuri /ák.» Hamtidár kilae asla niri gawaá doori wa /ét inósudá' dinkwa nee mukduú mibeeri kooán giri su'uunsú'.

2 WAAWITÁ 1:12

Eliya iri oó', «Aníng barnaxes a heé Mungú, alók asla nin gawaá doorí wa /ét, kuúng nee mukók kusuú mibeeraá kooane nuri /ák.» Hamtidár kilae asltá Mungú iri gawaá doori wa /ét, inós dinkwa nee mukduú mibeeri kooane giri su'uunsú'.

AXWEESANOÓ SAGALOOA 29:12

Geeraharusmo bar i lameemaá axamiis Alee/isuuseerós sleémeero tlakweema gin i xupú'.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 32:7

Al/aymár al/aymuuse ka tlaakw, inooín tlakweema ngin ado warqeemisiyá', as kahhó' narkutmo nguwa qwaareesiya' ar lamtaín, tam geeraawo gadaádá' narkutmo i slai i qoonda.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

FAARO 16:41

Matlaatlér taa kayi, múk Israeli sleémeero ina qununuú/ dír Mose nee Aroni tawa kaahi, «Múk AAKOÓ MUNGÚ ugwa tsu/é'.»

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

1 SAMUELI 6:9

Kuungá' xumiisé', barnaxes nguna huwiyé' ay baraá ayaaín oo Bet-shemeshi, daqaní ka xuá' adór heé atén taa um'ií kwaahh tar Munguú Israeli. Ala barnaxes ngwa ayaaíní huwi'iiká, a xu'aán adór inós tira slahhiiká, daqaní gaarí aqo tiqtír na tawo /et.»