2 WAAWITÁ 1:10 - Biblía Axweesantá Hhohho' ar Mungú 2004

¹⁰ Eliya geeraharusmooduú slaqwaruusér mibeeri kooán guri báy, «Aníng bar heé Mungú, alók asla nin gawaá doorí wa /ét, kuúng nee mukók kusuú mibeeraá kooane nuri /ák.» Hamtidár kilae asla niri gawaá doori wa /ét inósudá' dinkwa nee mukduú mibeeri kooán giri su'uunsú'.

2 WAAWITÁ 1:10 Iomraidhean Croise

1 WAAWITÁ 22:28

Mikaya iri oó', «Kuúng barnaxes naa kí/ ar wayda, daqaní AAKOÓ MUNGÚ aníng iga ya/aawiiká.» Iri malé kumiít axweesanto, «Iími, aníng tí ni kah iiaárí qaasaak.»

2 WAAWITÁ 1:11

Waawutmo geeraharusmoó slaqwaruuseerós oo hatlá' nee múk hatlá' oo mibeeri kooán gay ya/aáw as Eliya nguwa huwiya'. Inós iri tsa/án gawaá tlooma amór Eliya, i kaahi, «Aá heé Mungú, waawutmo i kaahi, ‹Aweeráng gawaasinge ar gaanslaay.› »

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

YOBU 1:16

Qoomár sagadiyusmoodá' kaangwí ooaro nguwa hhe'eesiiká, oo hatlá' nina hardáh, iri oó', «Doori nina huuiyé', sagadiyuuse nee bee/aango ngiri qororo'oosiyé', aníng kilooeé' nina /úw, as kaangwí nguwa ooár aw.»

WARA'AMI 105:15

Aakoó Mungú iri oó', «Sagadiyuuser'eé' ar hhohho' ma kwatiitara', aaruuser'eé' ma gár tlaákw i tleehhara'!»

WARA'AMI 106:18

Eeharuuser'ín asla giri i /ét, mukdá' tlákw asla guri /ák.

DANIELI 3:22

Asma waawutmo iwa xarasleemár ilawaáts, asladá' kana lo'wa slaax, adoodá' ira ót ka ló'wa hatlá' tam mukdá' ín Shadraki nee Meshaki nee Abednego ngaa kwahhtá aye' asltadá' giri tsú/.

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

TLAHHOÓ LAÁWI 10:2

AAKOÓ MUNGÚ asla gari kwaáhh amór daaqaydá', guri qororo'ós dír geeraawós i ale.

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

Matayo 21:41

Tari oó', «Mukdá' tlákw gu ló'wa hhaamiis. Nee qaymór sabiíbu gari doosluusér hatlá' i saayín, tidá' bu'uungós gu haniis ar qoomár hariim.»

Luka 9:54

Eeharuuseerós Yakobo nee Yohane adoorí kawa ár, kuna báy, «Aáko, a slá'a asla kawa ateetaan, niwa gawaá doorí wa /et, as mukwí nguwa qwaares.»

Tlehhema'aá ya/Abuuse 12:19

Tam Herode nguwa leelehhiít nee nguwa slayká, xuumuuseedá' gari yaahamaamiís, aluuwo hara'aya gari oó' kiwa tsuu/i. Aluuwo Herode yaamaá Yudea giri geexáy, iri /eét ay Kaisarea, iri amoodá' wa hoót.

Ebrania 12:29

Asma ar ló', Munguúrén an asltá mura' sleémeero gu /aay.

Geehhoeemaá 11:5

Nee bar hee ngi slahh'eemisuú wa slaa', asla in baraá afer'ín wa ti'imít, nee wakuuser'ín tidá' gari /ák. Gawaá adoorihe, bar hee ngi slahh'eemisuú wa slaa', inós kun gaas ar adoorí.