2 Timoteo 4:8 - Biblía Axweesantá Hhohho' ar Mungú 2004

⁸ Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Ya/abtór hho' 1977

⁸ Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamangwí gu sláw a aníng kilooeeneeká, ala tam kudá' sleémeero awa hardahamuuwós ngu haraxuuá' ar qwal/amaaye.

2 Timoteo 4:8 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

WARA'AMI 7:11

Mungú a ga/aawusmoó ganaá', tlakuuse qooma sleémeero gan sakwasleemuut.

AXWEESANOÓ SAGALOOA 4:9

Inós qeemuú tawo ngun hanís tawa adór warqamoó saga. Un tawo qeér ar slamángw hhohhoaari.»

MALAKI 3:17

Gár taa gooín a tí, «AAKOÓ MUNGÚ Aleesleemusmo i kaahi, ‹Baraá deeloodá' aníng gadiyér'eé' ngiwa tleehh, inooín a kwe'eé', inooín tay boohhar'ér kilá'. Inooín in amohhe'eemiís adór hee garmaawós, kudá' gu sagadiyuús, ngur amohhe'eemisi.

Matayo 24:36

«Ala kángw siiwadá' nee baalaarós heé gu xuú' i kaahh, tam malaykér gawaá doori, tam Garma, aqo har Baabá kilós.

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Luka 10:12

Án a kah, deelór alhhe'eesoó yaamuwo, a tsiní múk gixsár Sodoma sakwasleemar'ín ngiwa ilií oohi, ta gixsarihe.»

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Rumi 8:23

Ala a muruudá' taa tleéhh kiloseeká. Ala tam atén sleeme a /ifaán baraá muneerene, ateéká' Qeeru ugwa slawaan. Qeeru inós an mamaá geera awa Mungú amoorene. Atén sleeme an ló'wa haraxuaán qoomaadá' Mungú atén tiwa na/iiwós awa kilá' tleehhi, nee slaqoorén kiwa gweeri baraá lawaali'iimaro.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

1 Korinto 3:13

gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

1 Korinto 9:25

Umuúqo heewo oo qwaátl baraá neetooro, aqo tin ilaa/ baraá umuúqo gaaro. Mukwí adoorí gan tlehhiit as slamangwdá' hhitiruút kuwa slay. Ala atén adoorí an tlehhiitaán as slamángw hhitiruutaaká kuwa slawaan.

2 korinto 5:2

Asma qoomaarír hamí atén tawa hootaan baraá slaqooká' wa ale, a /ifaán, asma slaqoorén kudá' gawaá doori i ló'wa ilatleeruusaán kiwa tsiitaan.

Filipi 3:11

Aníng masók harahhifo a koóm ar tiwa waaslee/atisi baraá múk aa qaátl wa ale.

Kolosai 1:5

Mungú un sluufmiisaán as haraxu'utidá' ta koonda', ar taa amohhe'eés gawaá doorí wa ale as kuungá'. Kángw haraxu'utirí una axasé' qoomár Ya/abtór hho' ar ló' niwa amorhúng i hardát.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

1 Tesalonike 5:4

Ala kuungá' hháe, kuungá' a baraá giwtirooká. Gawaá adoorihe a hariímaarooká deeloodá' kuungá' nuwa ar sleer adór fisusmór alé.

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

1 Timoteo 6:19

Gawaá adoorihe inooín ti daqaari'iimár i slayá', daqaari'iimár ló'wa hhoo' ar qoomaadá' xaw, as slafíngw ló' kuwa slay.

2 Timoteo 1:10

Hamí gurtleemuuwí kunguna geehhooatís as hardahamuú Ba/amusmoorén Kristo Yesu. Inós gwa'ara gana baál, slafiingw nee hhituru'uuma wasle giri gwa/atís ar Ya/abtór hho'.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 1:18

Kuúng a ló'wa xú' adór inós aníng ira sagadiyuumaamiís baraá yaamaá Efesooro. Bál alhhe'eesaywo Aako inós ngu gurtleemií haniisi, gurtleemuudá' amór Aakoó daahh.

2 Timoteo 2:5

Tam heé qwaátl baraá neetooro, slamaangw gu slayká barnaxes aa qwaatliiká ar adór hariím.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 12:11

Qoomár hee burku muux, muxta dirose a gár qwal/uú koomaaká, ala a gár gurhaamír koom. Ala aluuwo muxtaadá' gár ni hup a hotaá ganaa'á' awa wayduú koomá' dír heedaádá' muxtaadá' gaa slayi.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 22:20

Kudá' muruuwí gu lamabu'uúm i kaahi, «Eeít, aníng ni hardáh ar gaanslaay.» Amin. Qwaláng, Aako Yesu.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.