2 Timoteo 4:2 - Biblía Axweesantá Hhohho' ar Mungú 2004

² Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Ya/abtór hho' 1977

² Axweesani alki/iiteek, tiwa amohhe'es qoomaadá' hariima nee qoomaadá' hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

2 Timoteo 4:2 Iomraidhean Croise

WARA'AMI 40:9

AAKOÓ MUNGÚ, aníng ya/abtór hho' ar ba/ama ana alki/iít dír dinkwár múk yaariír i alé. AAKOÓ MUNGÚ, kuúng a xú' adór aníng afkwe'eé' ngura ar qahuutiiká.

YONA 3:2

«Tláw amór yaamaá Ninewi, gixsadá' ur kaweek, ya/abtoodá' naa dirók i oó' ilaharmiseek.»

Luka 7:23

Heé amohhoó' a kudá' insarehhmoó koomaaká daanduueene.»

Luka 7:4

Inooín tawa dír Yésú ii hardáh, kuri ló'wa harhheehhe'eés tari oó', «I hariín heewí adór i kaahi kawa tlehh,

Luka 9:60

Yesu guri báy, «Maweegáy múk adór tu'u tuaá muk'ín ngi foliitiye'. Kuúng tláw, waawuti'iimár Mungú alki/iituú aweek.»

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 16:13

Bál deelór Sabaátoro ana tlawaán nay ti'iitaán tsee/áy alé afkú gixsaro, tari tlawaán afaá yaae. Asma atén ka xuaan dír tawa firarin i deer. Tari iwiitaán tari axweesaán nee /ameenarka aa didií burumburit.

Tlehhema'aá ya/Abuuse 20:7

Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

Tlehhema'aá ya/Abuuse 28:16

Tawa dahaán baraá yaamaá Roma, Paulo pa/aangw guri sláy oo iwa hooti dír doó inós tawa kilós, inós nee askaarmoodá' gu xuúm.

Rumi 10:15

Nee slám hee adór ngur alki/iiti burkwa ya/aawiiká. Asma Gooi i kat, «Mukdá' Ya/abtór hho' alki/iít hardahamuuín ku slaa' ló'wa ale.»

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

Kolosai 1:25

Mungú aníng ina sagadiyusmoó múk kríshaanáy wa qaás. Gadiyér afhhamít ngina aníng i saayín as kuungá'. Gadiyeérí an Ya/abtór Mungú ngiwa gwa/atisa hhe'ees dirhúngií ale.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Tesalonike 1:6

Nee adór atén tara hootaán, kuungá' kari eehadé'. Gawaá adoorihe tari eeharuusér Aako tleehhité'. Kuungá' slahha'amaayér yaariir ana sleeré'. Ala tam adoorihe axweesantadá' ana ilaoté' ar qwala/, tidá' Qeeruú hhoohhoó' oo Mungú naa haniís.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

1 Tesalonike 5:20

Axweesanoó aaru'uuma mu baloó waaqaqa'aara'.

1 Timoteo 4:13

Qoomaarí án niwa hardihiiká, ilakaaharu tleehheek oo muu kuwa axweesantá Mungú i soomus, nee kuwa naanaq, nee kuwa intsaahhatimis.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

2 Timoteo 2:21

Ala hee bir taa hhoohhooeés nee tiri paraatl dír muruuwí tlákw naa alki/iít, inós daqaní a xooslmoó taa qaás as gadiyér xirfuú koom, kudá' taa hhoohhooeés, oo Aakoó do'dá' wa hariím, nee slám a kudá' hariím baraá umuúqo gadiyér hhooe.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.

Tito 1:13

Tí aarusmoowí aa oó' ar ló'. Gawaá adoorihe, kuúng inooín iigahhaateek ló'wa ale ar xaraasleema, as inooín niwa kwa/iya' baraá haratlintaaooro,

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.

Ebrania 13:22

Hháe, án kuungá' nun harhheehhe'eemiís, kuungá' axweesantír gurbu'uungw na ilaoohaak ar inkihhimu. Asma barwaárí naa kuungá' i gooiím axweesanoó yaariír oo i koon i kaahh.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.