2 Timoteo 4:18 - Biblía Axweesantá Hhohho' ar Mungú 2004

¹⁸ Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

Ya/abtór hho' 1977

¹⁸ Aako aníng i ba/amis baraá umuúqo /aymuú tlaakwe, nee iwa amohhe'eemisi ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

2 Timoteo 4:18 Iomraidhean Croise

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

WARA'AMI 121:7

AAKOÓ MUNGÚ kuúng un xún dír muruú tlákw sleémeero. Inós slafiingók gun de'én.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

WARA'AMI 73:24

In geeraharaahát ar gurbu'uungók, aluuwo iri ilaót baraá xirfuuwók.

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

Matayo 13:43

Mukdá' hota ganaá' qoomaadae baraá waawuti'iimár Baabuúine tan gwa/aat adór tsee/amá. Heé iaá axamis gi koóm, i axaasi.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Luka 11:4

Tlakweemaarén gurtlaweek, asma atén sleeme umuúqo heewo oo taa sadakuus una gurtlawaán. Nee atén miti baraá iiara'adúr uhisar, ala atén ti ba/amis dír kudá' tlaakwe.› »

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 22:29

Ala aníng waawuti'iima ngin dirhúng i haniís adoodár Baabá ngira aníng i haniís,

Yohana 17:15

Aníng a fiririimaaká as inooín kiwa hinges baraaká' yaamuwo, ala kiwa xuun dír kudá' tlaakwe.

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Rumi 16:27

Munguúwí, inós kilós an Munguú sagalooár koóm. Inós i xirfuuti ar baraá Yesu Kristo ay alhhe'eesay wasle. Amin.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

1 Korinto 15:50

Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

2 korinto 1:10

Inós atén taa ba/amís baraá tsaxwaá gwa'arár adór tihe, nee slám ti malé ba/amis. Atén aa harahhifaán inós iwa kumiiti atén tiwa ba/amiimisi.

Galatia 1:5

Inós i xirfuuti ay alhhe'eesay wasle. Amin.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 Petro 5:11

Aleesleemu a kós ay alhhe'eesay wasle. Amin.

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.