2 Timoteo 4:17 - Biblía Axweesantá Hhohho' ar Mungú 2004

¹⁷ Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Ya/abtór hho' 1977

¹⁷ Ala Aako ina sihhiít dinkwa nee aníng, aníng iri /uuruú i haniís. Asma Aako gár i slai a Ya/abtór hho' sleémeero kawa alki/iiti nee aníng, as múk xoordu sleémeero ngiwa axaasi. Aníng tiri ba/amís baraá afkwá dirángw wa ale.

2 Timoteo 4:17 Iomraidhean Croise

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

WARA'AMI 22:21

Afkú dirango aníng na ba/amisáng, nee dír xareemaá saree/aro.

AXWEESANOÓ SAGALOOA 20:2

Buhhtaá waawutmo a adór /orootlór diraangw, Heedaádaá gwa buhhtis tlakweema gaa tleéhh.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

Matayo 10:19

Ala qoomár barnaxes kuungá' tundu huwahuuw, gár ta oa' ma leelehhitara', asma qoomaadae gár ta oa' kingi haniis.

Luka 1:1

Amór Teofíló xiríf. Múk yaariír kángw muruudá' yaariír aa tleehharuut direne gwaa iiár gooiro,

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 23:11

Xweeraadae Aako ina bihhaá Pauló i sihhiít guri báy, «Muuna hhe'eés, asma adoodá' kangw'eé' kura lamabu'uún baraá Yerusalemuro, un adoodár lamabu'uún sleeme baraá Romaro.»

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 15:31

Firiirimé' as aníng tiwa ba/amisi dír dabaá mukdá' aa haratlinti'iikahe, kudá' baraá yaamaá Yudeár i dirií'. Nee slám firiirimé' as gadiyér'eé' tidá' nis Yerusalémúr kaw, kawa ya/an nee mukdá' hhohhó' oo Mungú.

2 korinto 12:9

Ala Aako iri báy, «Gurtleemuueé' i bu'uut diroge. Asma /uuruueé' ku ak úr, kuúng burtu daqaatlaákw.» Gawaá adoorihe aníng tin xirfayeemiís ar qwal/uú yaariír as daqaatlakwer'eé', as /uuruú Kristo iwa baraaeé' wa hooti.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

2 Timoteo 2:1

Ala kuúng, garmaaeé', /uuru slaweek ar tsuuqaadá' ta slaslawaan ar baraá Kristo Yesu.

2 Timoteo 2:9

Aníng tin slahh'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

2 Timoteo 3:11

Nee slám án kuúng ina eehát baraá gusisingw'eene nee baraá slahh'amaayer'eene, adór muruudá' naa sláw baraá yaamaá Antiokiár wa ale, nee baraá Ikonio, nee baraá Listra. Gusisíngw yaariír una sláw. Ala Aako aníng ina ba/amís baraá muruuwí sleémeerowo.

2 Timoteo 4:5

Ala kuúng masók tin harmagáhh baraá mura' sleémeerowo. Kuúng qiqtliím baraá slahh'amuú ta sleera. Ya/abtór hho' alki/iiteek tawa gadiyeérók. Gadiyeérók boo/eeseek.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»