2 Timoteo 4:16 - Biblía Axweesantá Hhohho' ar Mungú 2004

¹⁶ Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.

Ya/abtór hho' 1977

¹⁶ Heé aníng iga lamabu'un i kaahh tam oo wák baraá kwasleemar'eene bál har geeraawo. Ala sleémeero ina geexayé'. Ala tlakweemaaká' mikiwa daandeemooín i harafaár.

2 Timoteo 4:16 Iomraidhean Croise

Marko 14:50

Eeharuuseerós guri geexeér, sleémeero tari goów.

Luka 12:11

«Kuungá' burtunda huúw dír geeraá maraá saaliingw, nee dír geeraá waawitá nee mukduú hara'ayár koóm, as tunduwa sakwasleemuuti, ala kuungá' ma daawimitaara' as tiwa aleekala/a nee ar ta dir'íní oa' ma leelehhitara'.

Yohana 16:32

Ga/aawaagáy, qooma i hardát, slám qooma naa qaroó hardát, ar kuungá' sleémeero tawa diyaya/ata', umuú heewo amoorós, nee aníng iri kilooeé' geexeerá'. Ala aníng a kilooeeneeká, asma Baabá nee aníng a dinkwa.

Tlehhema'aá ya/Abuuse 22:1

«Hhaee'eé' nee baabi'iieene, án iiárií qaasaré', tiwa dír geeraahúng wa aleekal/aam.»

Tlehhema'aá ya/Abuuse 25:16

Ngiri báw, ‹Dákw adór kwisíng dír múk Romaro i kaahh, oo hee kuwa haniisi dír mukdá' inós gu sakwasleemuút as kuwa gaasi, bar taa al sihhiitiiká baraá kwasleemaro.›

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

1 Korinto 13:5

Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditká.

1 Korinto 9:3

Gaarí an gár aníng tir aleekal/aam dír mukdá' ya/abusi'iimar'eé' ga siaasia.

2 korinto 7:11

Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

Filipi 1:17

Ala kudaá hatlá' kángw Kristo ngwa alki/iti'iiká ar muunuú hhoó', ala as fola. Inooín ka xui a slahh'amaayer'eé' kan dook baraá tseegamooro.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

2 Timoteo 1:15

Kuúng a xú' adór mukduú baraá yaamaá Asia sleémeero aníng ira geexáy, tam Figelo nee Hermogene sleeme.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

2 Timoteo 4:15

Ala kuúng ti harmagahh dír heesinge, asma inós axweesanayrén guna ló'wa sií'.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.