2 Timoteo 4:14 - Biblía Axweesantá Hhohho' ar Mungú 2004

¹⁴ Aleksanda, kuduú kareermo, adór tlaakw gaa ló'wa tleéhh dir'eene. Maweek Aako gu li/áy buu' as tlehhemi'iiwós kudaádá'.

Ya/abtór hho' 1977

¹⁴ Iskanda, kuduú kareermo, adór tlaakw gaa ló'wa tleéhh dir'eene. Maweek Aako gu li/áy buu' as tlehhemi'iiwós kudaádá'.

2 Timoteo 4:14 Iomraidhean Croise

2 SAMUELI 3:39

Hám aníng iga mak iimbalaxé' ar di/i as tawa waawutmo, ala laarí aníng aga heé liitlaákw tleehhiít. Ala daaqaywú Seruya a múk aa harwaaraahh saga gawduwo dir'eene. Tlakuuseerí AAKOÓ MUNGÚ ngi slahhi ar adoodár hariímár tlakweemaaín i dirii'iya'.»

WARA'AMI 28:4

Inooín li/áy bueek ar hariímár tlehhmi'ii'ín, ar hariímár tlakweemaá i tlehhahhitiya'. Li/áy bueek ar hariímár tlehhma'aá dabaaín. Adór kis hariím ti tlehh.

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

YEREMIA 15:15

Aníng ana oó', «Ala AAKOÓ MUNGÚ, kuúng a xú', aníng inslawáng nee qwaláng /iisáng, wakuuser'eé' li/áy bueek daanduueé' wa ale. Kuúng qitla u xú', án mi qwaareesaar. Inslaweek adór aníng tir /oosliislín as kuúng.

WA/AA/I 3:64

Aá AAKOÓ MUNGÚ, inooín bueek ar harqoomoó gadiyér dabaaín.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

Rumi 2:6

Asma baalaadae Mungú umuúqo heewo gu buu' ar hariímár tlehhmi'iiwós.

2 Tesalonike 1:6

Mungú gan'amu gun tleehh. Mukdaádá' kuungá' naa slahh'eemiis, inós gun slahh'eemiis as tawa bu'utuuín.

1 Timoteo 1:20

Baraá tla/angw'ine Humenayo nee Aleksanda i dayá'. Ala inooín aníng iga paraátl amór Neetlángw i alé, as ngiwa tsaahhiya' Mungú mukuwa /ooslislín.

2 Timoteo 4:15

Ala kuúng ti harmagahh dír heesinge, asma inós axweesanayrén guna ló'wa sií'.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.