2 Timoteo 4:10 - Biblía Axweesantá Hhohho' ar Mungú 2004

¹⁰ Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

Ya/abtór hho' 1977

¹⁰ Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

2 Timoteo 4:10 Iomraidhean Croise

Matayo 12:32

Umuúqo heewo oo /aymuú /ooslima gu oó' daanduú Garmoó Heewo ku gurtláy. Ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe, ku baloó gurtlayká baraá yaamuukae, tam baraá yaamuudá' xaw'a.»

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Luka 14:33

Gawaá adoorihe baraá tla/angwhunge heé eeharusmooeé' tleehhiít i kaahh, barnaxes muruuwós kudá' sleémeero i kon gwa geexayká.»

Luka 16:13

«Heé daqaarér tsár i lawaali'iitaro ga asláw i kaahh. Asma kooko gu aahh, kuqá' gway slaa', laqaá nee kooko ti oohiyá', kuqá' gway waaqaqaa'. Mungú nee daqaari'iima i lawaali'iitaro i aleesleera'aaká.»

Luka 17:32

Harér Loti inslawaak.

Tlehhema'aá ya/Abuuse 13:13

Aluuwo Paulo nee mukós tari tsa/án gawaá miringamo, tari tláy Pafór wa ale, tari hardáh ay Perge baraá yaamaá Pamfilia. Yohane giri geexáy, iri kií/ ay Yerusalemu.

Tlehhema'aá ya/Abuuse 15:38

Ala Paulo gaa slaiiká kuwa huwi, asma adoodá' aáng ngiwa geexáy Pamfiliár i aleeró, baraá gadiyeé.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 17:1

Paulo nee Sila tari waaraáhh ar tla/ángw Amfipoli nee Apolonia, tari hardáh ay Tesalonike. Didaádae do'ko saalíngw múk Yahudi i deer.

Tlehhema'aá ya/Abuuse 17:11

Múk Berea a múk hhó' ta ak múk Tesalonikero, nee inooín Ya/abtór hho' ngina ilaaohiyé' ar muunuú hhoó'. Gooi ngiri soomuusiyé', nee ngiri aldakuutiyé' umuúqo daqto, as ngiwa tsaahhiya' áx kaangwí taa alki/iiti oo lóe.

Tlehhema'aá ya/Abuuse 17:13

Ala múk Yahudi oo yaamaá Tesalonike kangw kuri axaás adór axweesantá Mungú Paulo ngira alki/iít baraá yaamaá Berearo sleeme. Tari tláy, tari amoodí hardáh, tlaahhi kari qaás, muu kuri amoqwaareés.

Tlehhema'aá ya/Abuuse 18:23

Iwa amoodá' wa hoót deelór niinawe, iri malé tláy, iri waaraáhh ar tla/ángw yaamaá Galatia nee Frigia, inós eeharuuse sleémeero gari alee/iimiís /uuru nguwa sleer baraá haratlintaaooro umuúqo gixsaro.

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.

2 korinto 8:16

Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.

2 korinto 8:23

Gawaá daanduú Titowo án gár ni oo' a tí, inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudaá hatlá', inooín a múk tinda ya/aáw nee kríshaanáy sleémeero, nee Kristo xirif gu sláy as inooín.

2 korinto 8:6

Tito an heé gadiyeérí gaa iimu/un. Gawaá adoorihe atén inós kuri harakeesaán, as inós iwa kumiiti gadiyeérihe, nee tlehhemuuwí oo sla'aari nguwa boo/eesi dirhunge.

Galatia 1:2

Aníng nee hhae sleémeero kudá' diirí diriiá' barwaárí ngina gooiimaán amór múk kríshaanáy sleémeero oo baraá yaamaá Galatia.

Filipi 2:21

Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

2 Timoteo 1:15

Kuúng a xú' adór mukduú baraá yaamaá Asia sleémeero aníng ira geexáy, tam Figelo nee Hermogene sleeme.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Filemoni 1:24

Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

2 Petro 2:15

Inooín loohidá' ganaa' kaa geexáy, tari qwaár. Asma loohír Bala'amu kana eehár, garmoó Beori. Inós gár ganaa'aaká gana tleéhh as peésa ngiwa slay.