2 Timoteo 3:8 - Biblía Axweesantá Hhohho' ar Mungú 2004

⁸ Adoodár aáng Yane nee Yambre tira tlaampa'aamisiyé' nee Mose, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureemo hhitiruumiit, slám haratlintaaor'ín i qoondaaká.

Ya/abtór hho' 1977

⁸ Adoodár aáng Yane nee Yambre tira tlaampa'aamisiyé' nee Musa, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureema hhitiruumiit, slám haratlintaaor'ín i qoondaaká.

2 Timoteo 3:8 Iomraidhean Croise

TI'INAANGW 7:11

Farao múk sageloén guri ateét, nee da/aluuse nee qwaslaareero, inooín adoodár kilá' ngina tleehhiyé' ar miislay'ín.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:18

Qwaslaarér yaamuudá' ar miislay'ine kwasiyaangw nguri iiariyé' nguwa tleesiya', ala adoodá' ngiri harslaaqatiyé'. Kwasiyaangw slaqwaá muu nee makaywo gaa aleetsaát.

TI'INAANGW 8:7

Qwaslaarér yaamuudá' adoodá' gari tléhh ar miislay'ín, aamaxupa ngiri huwiyé' sleeme baraá yaamaá Misri.

Tlehhema'aá ya/Abuuse 15:24

Atén aga axaasaán adór, mukko amoorén daáhh kuungá' nura daawitimiís ar axweesanay'ín, nee munerhúng ngaa xurér i qaasiyé'. Ala atén inooín ngaa ya/aawaniiká.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

1 Timoteo 1:19

Mungú haratlintatieek, nee afoodá' hho' ar baraá muunaáwók kawa eeharahat. Kumiít baraá haratlintaaooroge nee afoodá' hho' ar baraá muunaáwók na iiárií qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 4:15

Ala kuúng ti harmagahh dír heesinge, asma inós axweesanayrén guna ló'wa sií'.

Tito 1:10

Asma dirhunge múk yaariír i deer oo ilaiwa/ame wásl, ak alé kudá' taa al/utlín. Inooín axweesanoó lamtá tawo kun axweemaamiis, as múk hatlá' kuwa al/agin.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

1 Yohana 2:18

Láqwalo, gaarí a qoomár alhhe'eesaay, adoodá' kara axasé' tawa kaahi, wakusmoó Kristo ni hardah. Tam hamí wakuusér Kristo ar yaariir aa qaroó deerút. Ala adoorihe gaarí a qoomár alhhe'eesaay.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.

Geehhoeemaá 2:6

Ala kuúng garka hhoo' aga tléhh, asma kuúng tlehhema'aá múk Nikolai iga áhh. Aníng sleeme tlehhemi'ii'ín iga aáhh.»