2 Timoteo 3:5 - Biblía Axweesantá Hhohho' ar Mungú 2004

⁵ Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

Ya/abtór hho' 1977

⁵ Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

2 Timoteo 3:5 Iomraidhean Croise

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

2 Tesalonike 3:14

Heé axweesanoó baraá barwaárí gwa sii', heé adoorí ga/aawaak, ma aldinku'uusara' nee inós as dakuúsarós ngiwa tsaahhi.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

1 Timoteo 4:7

Ala kuúng ti harmagahh nee tiitadár slasla/aren, tiitadá' amami'i, tidá' hariimaaká alki/ituuwo. Kuúng intsahhaám Mungú kuwa ilaiwawa/ baraá slafiingoge.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

1 Timoteo 5:8

Ala umuúqo heewo oo mukós gu amohhe'eemisaaká, ak alé múk do'ósuú kilá', heé adoorí haratlintaao gaa sií', nee inós a heé ló'wa tlaákw ta kudá' aa haratlinti'iiká ba/a.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 2:16

Kuúng ti paratl dír axweesanoó gaa wasle, kudá' múk Mungú gwa haratlinti'iiká i axweemaamisi. Asma múk adoorí tan ak sawees dír Munguhe.

2 Timoteo 2:23

Ala kuúng ma haragwaa'aar baraá tlaampa'amisuú dakti'iima, kudá' sagalooa wásl, asma a xú' adór tlaampa'amisuuwí gár i huwi tar gila.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

Tito 3:10

Heé partlitór huwahuúw bir deer, naanaaqeek har geeraawo, tam sagaáwa tsár sleeme. Ala bira sií', sieek.