2 Timoteo 3:2 - Biblía Axweesantá Hhohho' ar Mungú 2004

² Asma qoomaadá' binda hardát, muu a múk ti kilooín slaá'. Slám muu a múk peésár slaá', nee a múk ti kilooín xirfayeemiís. Muu a múk daara/aám, nee a múk múk /ooslisliím, nee múk xwaylitér'ín ilaiwawa/aaká, nee múk sluufaay wásl. Nee slám a múk hhohhoeká.

Ya/abtór hho' 1977

² Asma qoomaadá' binda hardát, muu a múk ti kilooín slaá'. Slám muu a múk peésár slaá', nee a múk ti kilooín xirfayeemiís. Muu a múk daara/aám, nee a múk múk /ooslisliím, nee múk xwaylitér'ín ilaiwawa/aaká, nee múk sluufaay wásl. Nee slám a múk hhohhoeká.

2 Timoteo 3:2 Iomraidhean Croise

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

WARA'AMI 49:6

Inooín a múk harahhifor'ín gaa qaas gawaá daqaari'iimar'ín, slám tan waahhamín as daqaari'iimar'ín kawa yaariír.

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

Matayo 15:6

heewí daqaní baabuúwós nee aayoorós gár ngis ilaiwawa/i i káhh.› Gawaá adoorihe kuungá' axweesantá Mungú ana warqesé' ar uunuuhúng.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Tlehhema'aá ya/Abuuse 5:36

Asma deelór hhaawaaká ar aa waarahhi, heeko ina ti'iít, umuuwós ta bay Teuda. Inós ngiwa xui, inós a heé ló'wa úr, nee múk tsiirér tsiyáhh guri eehár. Looaytleér inós kuri gaás, nee mukdá' sleémeero inós gwa eehar iri diya/aát, iri qwaár.

Rumi 11:18

Ala kuúng birti xirfayeemís dír haleemiidá' hatlae, inslaweek kuúng dee/aruú xa'ano u gagariindaaká, ala a kuúng dee/aruú xa'ano un gagarín.

2 korinto 5:15

Nee slám inós ina gwaá' as daanduú muu sleémeero, as mukdá' slaáf matawa kumiít hotaango as inooín kilooín, ala ta hooti as kudaádá' aa gwaa' nee iri waasleé/ as inooín.

Filipi 2:21

Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

1 Timoteo 1:20

Baraá tla/angw'ine Humenayo nee Aleksanda i dayá'. Ala inooín aníng iga paraátl amór Neetlángw i alé, as ngiwa tsaahhiya' Mungú mukuwa /ooslislín.

1 Timoteo 1:9

Gár atén tiwa hariím masók an tsaahhaán adór hara'aya kara qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 6:10

Asma ilatleerír peésa an iimu/úngw umuúqo gár tlaakw. Muu bahh'alé haratlintaao gaa máy, gurhaamír yaariir kari sláy asma ilatleerír peésa.

1 Timoteo 6:4

heé adoorí i daara/án, nee slám gár i xui i káhh. Heé adoorí gár i slai ka tlaakw, asma inós gár i slai a tlaampa'amisuú axweesani nee kaangaani. Nee muruuwí gár ni huwi a da/i, nee gila, nee daanda axweesani, nee inslawoó tlákw daanduú heewo,

2 Timoteo 3:4

múk múk sakikií/, múk siduuse nee daar/uuse, múk muruú baraaká' yaamu gu ak slaá' ta Munguhe.

Yakobo 2:8

Ala bar kuungá' dabeedár waawuti'iima aga boo/esé', tidá' kah, «Inslaawmoowók slaeek, adoodár kuúng tir kilók sla',» daqaní kuungá' adór hhoo' aga tlehhé'.

Yakobo 4:16

Ala hám daxta kuungá' a daara/aandá', nee ti kiloohúng xirfayeemisá'. Ala daara/aangwí sleémeero ku tlaákw.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Munguú waaqaqaá'. Intsaahhatuuseerí ar lama inooín a afakaharuusér fahharuuse, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.

2 Petro 2:12

Ala intsaahhatuuseerí muruú ta xuiiká kun /ooslislín. Inooín a adór makaá fuqurángw kooma'aaká, kudá' taa tleéhh as kiwa oohi nee kiwa qwaareesi. Inooín sleeme ki qwaarees adoorír aleeró, asma hhitiru'uumar'ín.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.

Geehhoeemaá 13:1

Aluuwo makiito'o ana ár i baraá tlawtá wa ti'imít. Xareemiwós a mibaangw nee sage ngi koon a faanqw. Nee gár gawaá xareemiwós a slam'i mibaangw. Nee gár gawaá sageerós a umér /ooslisliingw.

Geehhoeemaá 16:11

Munguú gawaá doori kuri /ooslislín as slahh'amuuín kudá', nee as um'idá' ngaa ohine', slám tlehhemi'ii'ín kudá' kaa hhu'u'unká.

Geehhoeemaá 16:21

Tluwoó tlaa/e oo ló'wa úr oo gawaá dooraá daáhh, iri tluúw gawaá múk i alé. Tlaa/aá tluwaywí umuúqo tlaa/anoowo iiloeemaawo a adór kílo mibeeri kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur.

Geehhoeemaá 16:9

Muu kuri ló'wa da/aa/án, ala tam adoorihe inooín umuú Mungú nguri /ooslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfayeesiiká.