2 Timoteo 3:16 - Biblía Axweesantá Hhohho' ar Mungú 2004

¹⁶ Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa qwatsiin, nee slám muu nguwa geeraharahat as slafíngw ganaá' kuwa ar hooti.

Ya/abtór hho' 1977

¹⁶ Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa naanaq, nee slám muu nguwa geeraharahat as slafíngw ganaá' kuwa ar hooti.

2 Timoteo 3:16 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

WARA'AMI 119:130

Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

WARA'AMI 119:9

Adór masoomo slafiingós ngur qoomeesi? Aqo bar axweesantók birnga óh.

AXWEESANOÓ SAGALOOA 15:10

Fahharusmo muxtár gurtleemu wasl gu sleér, nee heé naanaqa ga sla'aaká i gwaa'.

AXWEESANOÓ SAGALOOA 15:31

Heé naanaqtá hho' ga axamiís in hoot baraá tla/ángw múk sagelooén wa alé,

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

MIKA 2:7

Xaysé' xwaylár Yakobo, axweesanoó adoorí i qóna? Xáy, AAKOÓ MUNGÚ qitluuwós gwaa máyi? Xáy, inós adoorí ga tlehhaahhíti? Xáy, axweesantaeé' ka hhooeekáhe dír kudá' gan'amúr hoota?»

SEFANIA 3:2

Múk Yerusalemu AAKOÓ MUNGÚ gwa iiárií qaasiiká, tam gurbu'ungw'ín ngwa ya/ani'iiká. Tam Munguúín ngwa baloó haratlinti'i'iiká, slám ngu firirina'aaká.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 21:42

Yesu giri báy, «Aga soomusi'iikáhe baraá Gooiro, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy. /Aymuuwí amór i dahhi a amór Aako. Slám a waa/oo/amo dír ilaarene.›

Matayo 22:43

Giri yaahaás, «Ala Daudi musungwa Aakoowós ar ateetín, ar baraá aleesleemuú Qeeru, iwa kaahi,

Matayo 26:54

Ala án adoorí bara tleéhh, adór Gooi ir bo/ a adoomá, tí kah muruuwí gár kuwa hariím aqo in tleehharuut.»

Matayo 26:56

Ala tí sleémeero in tleehharút as gooír aaruuse iwa bo/.» Eeharuuseerós sleémeero guri geexeér, iri góp.

Marko 12:24

Yesu giri báy, «Aga qwadi'iikáhe adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Marko 12:36

Daudi inósuú kilá' ar aleesleemuú Qeeruú hhoohhoó' oo Munguhe ina oó', ‹Mungú Aakooeé' guna báy. Iwiít bihhaaeé' awa doó /iyáy tam ay dír wakuuseerók ngi baraá dabaawók i qaás.›

Yohana 10:35

Atén a xuaán adór Gooi ir warqeeraaká baloó alé. Gawaá adoorihe, Mungú mukdá' aa axweesantós i haniís guna báy, ‹Kuungá' a mungui.›

Yohana 3:20

Asma heé muruú tlákw tlehhahhiít, gwa/aateema gi slaiiká, slám amór gwa/aateemaawo sleeme i daqayká, asma muruudá' tlákw i tlehhahhiti miwa geehhooúy.

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 18:25

Heewí kwaa intsaahhatimís loohír Aakoowo, slám muunaáwós i hamiis. Iri iimu/ún axweesanto nee intsaahhatimisuuwo ar adór qoom daanduú Yesuwo. Ala inós baatiísmoó aa xuú' a kuduú Yohane kilós.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Tlehhema'aá ya/Abuuse 28:25

Ala inooín awa kilá' ti slaslay'aaká, qoomár tawa tlatlay Paulo /aymi'iiká' ngina oó', «Qeeruú hhoohhoó' oo Mungú looeema gaa káh qoomár iwa axweés dír baabi'iihúng ar afkú aarusmo Isaya.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Rumi 2:20

geeraharusmoó múk gár xuaaká, nee intsaahhatusmoó na/aá ninakw, asma kuúng xu'uti sleémeero nee looeemaawo i koón baraá hara'ayár Mosewo.

Rumi 3:2

Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

Rumi 4:23

Axweesanaywí gooi iwa kat, «Inós kuna gan'amií harafaár ar haratlintaaoorós.» Axweesanaywí kwaa gooinká as inós kilós,

1 Korinto 12:7

Ala aleesleemuuduú Qeeruú hhoohhoó' oo Mungú gu geehhooeemiís, ku hanmiis dír umuúqo heewo ar adoodá' alee/isoó huwahuuw dír múk kríshaanayhe.

Galatia 3:8

Gooi gana geerií aán adór Mungú múk xoordu ngur gan'amií harafaari as haratlintaaor'ín. Ya/abtoorí hho' Gooi gaa geerií alki/ít Abrahamu nguwa beér, «Baraawoge xoordu sleémeero ki tsuuq.»

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Ebrania 11:1

Haratlintaao bar koomaán a ló'wa xuaán adór gadá' ta harahhifaan ir tleehharút, slám muruudá' ta araanaaká u tsaahhaán adór ir deér.

Ebrania 3:7

Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.