2 Timoteo 3:15 - Biblía Axweesantá Hhohho' ar Mungú 2004

¹⁵ Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

Ya/abtór hho' 1977

¹⁵ Asma iimír na/u'uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlinti'.

2 Timoteo 3:15 Iomraidhean Croise

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

WARA'AMI 19:7

Dabér AAKOÓ MUNGÚ i qoón, hee gu /uurií hanís. Axweesantá AAKOÓ MUNGÚ a ló', sagalooa ga hanmís dír kudá' ngi kooma'aaká.

WARA'AMI 71:17

Kuúng Mungú, kuúng aníng ina intsaahhatimís iimír án tawa masoomo, tam ay hamí aníng tlehhmi'iiwók awa waa/oo/amo in alki/iít.

AXWEESANOÓ SAGALOOA 22:6

Na/aay intsaahhatiseek hotaá ganaa'a'a, inós adoosíng ga baloó gunqaresiiká gar wa dín.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

DANIELI 10:21

Ala aníng kangwdá' taa gooín baraá kitaábuuduú looeema ngu dirógí xu'utís. Heé hatlá' i kaahh oo aníng i alee/iís slaqwararo aqo har Mikaeli, malaykamooduú xuumusmoó múk Israeli.› »

Matayo 22:29

Yesu giri báy, «Aga qwadé' adoosinge, asma tidá' taa gooín a xua'aaká, tam aleesleemuú Mungú sleeme u xua'aaká.

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 2:40

Nee na/aydá' iri uráy, /uuru gway tleéhh, fuquraango i haats, nee i tsuuqaá Munguú kón.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Luka 24:32

Tiri kilooín yaahamisiyé' tari káh, «Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa xu'utimiisi?»

Luka 24:45

Yesu sager'ín gari gwa/atís as Gooi kawa tsaahhi.

Yohana 5:47

Ala bar kuungá' gooirós haratlintaaooro aga sié', kuungá' adór axweesanay'eé' kur haratlintia' a adoomá?»

Tlehhema'aá ya/Abuuse 10:43

Kwí aaruuse sleémeero guna adoorír lamabu'uún, as kahhó' umuúqo heewo oo gwa haratlintii', tlakweemaawós kiwa gurtláy ar umuuwós.»

Tlehhema'aá ya/Abuuse 13:29

Qoomár tidá' sleémeero taa gooín daanduuwose kawa hhe'eés boo/eesaro, kuri aweeriís gawaá msalaábár wa ale, kuri foól.

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 17:2

Paulo iri baraadí dáh adoodá' /iisí i tlehhahhiti. Deelo tám ar Sabaáto gari baraadá' wa hhe'eés, tiwa tlaampa'aamisiya' nee múk Yahudi daanduú Gooír axweesantá Munguhe.

Tlehhema'aá ya/Abuuse 26:24

Paulo qoomár tiwa aleekal/an, Festo iri tseé' ar afór ur, iri oó', «Paúlo, kuúng aga slarhhamút, soómarók tisíng yaariir ugwa slarhhamuúr.»

Rumi 1:2

Ya/abtoorí hho' Mungú aa al'axweés iimír aáng wa ale ar afér aaruuse, kaa gooín baraá Gooír hhohho'.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Rumi 2:27

Gawaá adoorihe kuúng heé Yahudi tu sakwasleemuut nee múk xoordaá hatlá'. Asma kuúng hara'aya tam a koonda baraá gooiro, nee kuúng tam taa al/utli, ala kuúng hara'aya a eeharahatká. Ala inooín hara'aya ka iialooeemiis, inooín tam kaa al/utliniikahe.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 4:6

Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›

1 Timoteo 4:13

Qoomaarí án niwa hardihiiká, ilakaaharu tleehheek oo muu kuwa axweesantá Mungú i soomus, nee kuwa naanaq, nee kuwa intsaahhatimis.

2 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu, ar adoodá' Mungú aa slaá', as slafingwdá' taa geerií al'axweés nguwa alki/iit, kudá' baraá Kristo Yesu i dirií'.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Petro 3:16

Adoorí an adoodá' i kaahi baraá barwaduuwós kudá' sleémeerowo, qoomár bar i kaangwí alki/iit. Baraá barwaduuwose muruuko ku gawdén tsaahharo. Múk xu'utír koomaaká nee múk aa kwa/iiká muruuwí gun warqeemiis, adoodár muruú hatlá' sleeme oo baraá Gooi ngur warqeemaamisiya'.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.