2 Timoteo 2:3 - Biblía Axweesantá Hhohho' ar Mungú 2004

³ Qiqtliím baraá slahh'amuú wa aleeró dinkwa nee aníng, tawa adór askaarmoó hhoó' oo Kristo Yesu.

Ya/abtór hho' 1977

³ Qiqtliím baraá slahha'amuú wa aleeró dinkwa nee aníng, tawa adór askaarmoó hhoó' oo Kristo Yesu.

2 Timoteo 2:3 Iomraidhean Croise

Tlehhema'aá ya/Abuuse 23:31

Askaári adoodá' kaa báy gari tléhh. Paulo guri ar tleér xweeraawo, kuri huúw ay yaamaá Antipatri.

1 Korinto 13:7

Mura' sleémeero daanduuwós i qaasaro gu ya/aán. Mura' sleémeero gun harahhíf, mura' sleémeero gun haraxú', mura' sleémeero gun sa qiqtliín.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

2 korinto 1:6

Atén bar slahh'eemis u slaslaawaán, un slaslaawaán as kahhó' kuungá' gurkwa/asa kawa sleera' nee ba/amaro. Laqaá atén barnaxes gurkwa/amis un slaslaawaán, un slaslaawaán, as kahhó' atén kuungá' gurkwa/amisuuwo nuwa aleeslawaan, as kuungá' /uuru kuwa sleera' oo slahh'eemis kuwa sa qiqtliinda', slahh'eemisuú adór kwí atén ta sa qiqtliimaan.

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

2 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu, ar adoodá' Mungú aa slaá', as slafingwdá' taa geerií al'axweés nguwa alki/iit, kudá' baraá Kristo Yesu i dirií'.

2 Timoteo 1:8

Aakoorén lamabu'uungo mu sa murumiitaar, tam anuúwí taa tseék as inós mi sa murumiitaar sleeme. Ala burtu slahh'eemiis asma Ya/abtór hho', kuúng qiítl adoorír aníng wa ale, ar /uuruú Mungú.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

2 Timoteo 2:9

Aníng tin slahh'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

2 Timoteo 3:11

Nee slám án kuúng ina eehát baraá gusisingw'eene nee baraá slahh'amaayer'eene, adór muruudá' naa sláw baraá yaamaá Antiokiár wa ale, nee baraá Ikonio, nee baraá Listra. Gusisíngw yaariír una sláw. Ala Aako aníng ina ba/amís baraá muruuwí sleémeerowo.

2 Timoteo 4:5

Ala kuúng masók tin harmagáhh baraá mura' sleémeerowo. Kuúng qiqtliím baraá slahh'amuú ta sleera. Ya/abtór hho' alki/iiteek tawa gadiyeérók. Gadiyeérók boo/eeseek.

Filemoni 1:2

nee amór Afia, hho'oorén, nee amór Arkipo, askaarmoó Kristo adór aníng wa ale, nee amór múk kríshaanáy kudá' baraá do'ók wa burumburiimamiít.

Ebrania 10:32

Kuungá' inslawaak muruudá' taa sleeré' aáng. Asma qoomár kuungá' gwa/aateemaá Mungú kiwa sangw sleeré', qoomaadae ana ló'wa qiqtlaatliindé' baraá tlaampa'amisuú urene, nee slahha'amaayér yaariir ar taa sleeri'i.

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

Ebrania 6:15

Gawaá adoorihe Abrahamu iri qiqtlín, nee gadaádá' Mungú aa al'axweés, gari sláy.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

HAR'OHUUSE 3:2

Adoorí gana tleéhh as kahhó' umuúqo qartá hi'iita ar múk Israeli slaqwara ngiwa intsahh, ak aleeró kudá' slaqwara ngi geerií xua'aaká.